Falcao: Naweza kuwashinda Messi na Ronaldo ufungaji bora La Liga maarufu ‘Pichichi’ msimu huu.

Ramadel Falcao

Mshambuliaji wa Atletico Madrid Radamel Falcao amedai kuwa ana weza kuwashinda washambuliaji wawili wakali katika ligi kuu ya nchini Hispania Lionel Messi na Cristiano Ronaldo na kuwa mfungaji bora wa ligi ya nchi hiyo La Liga msimu huu.

Falcao ambaye alifikisha jumla ya mabao 24 msimu uliopita baada ya kucheza michezo 33 ya ligi hiyo alikuwa pia kivutio kwa soka lake zuri na kuwa nyuma ya wafungaji Lionel Messi wa Barcelona aliyefunga jumla ya mabao 50 na Cristiano Ronaldo wa Real Madrid aliyefunga jumla ya mabao 46 na kuwa katika mbio za ufungaji bora nchini Hispania maarufu kama Pichichi.

Katika hatua nyingine mfumania nyavu huyo wa kimataifa wa Colombia amesema changamoto ya ubora wa wafungaji hao hodari wa mabao duniani kuelekea msimu mpya wa 2012-13 haita mfanya yeye kujiona kuwa yuko nyuma lakini pia si kazi rahisi.

amenukuliwaFalcao akisema

"Idadi yao kubwa ya mabao kama ilivyo kwao si kwamba haliwezekani kwangu "

"Ninachotaka ni kusheherekea mzuri na mashabiki. Na kwa malengo yangu na timu kwa ujumla naamini watafurahi. 'Pichichi'? kwanini isiwezekani ? ukiwa na moyo kila kitu kinawezekana."

Falcao,ambaye ambaye amesaini mkataba miezi 12 iliyopita kwa ada ya uhamisho wa euro milioni €40 akitokea katika klabu ya Porto ya Ureno ameitabiria timu yake itakuwa ikifurahia kampeni ya mafanikio.

Atletico inaanza msimu mpya jumatatu wakianza kwa kuifuata Levante.