SOMA KIMATAIFA :Wakala:Giuseppe Rossi huenda akasema ndio kuelekea AC Milan.Mwamuzi kuchukua hatua dhidi ya Luisao na nyingine nyingi.

 Wenger : Asernal iko imara inaweza kutwaa mataji.

Arsene Wenger anaamini kuwa Arsenal inaweza kupigania mataji msimu baada ya kuwa katika kipindi kizuri cha kuwa wachezaji wake muhimu ambao walikuwa majeruhi huko nyuma.

Mfaransa huyo tayari ana uhakika wa kupata huduma za wachezaji Lukas Podolski, Olivier Giroud na Santi Carzola, na kizuri zaidi ni Robin van Persie kusalia katika klabu hiyo licha ya taarifa za kutaka kuondoka kushika kasi.

Wenge mwenye umri wa miaka 62 anashukuru maandalizi ya kuanza msimu kwenda vizuri lakini pia katika hicho chote kikosi chake kuepuka kupata majehihi.

Anasema kwasasa kikosi kiko tayari kukabiliana na chanagamoto za kuwania mataji ukilinganisha na msimu uliopita.

amenukuliwa akisema

"tuko katika hali imara kuliko msimu uliopita ambapo tuliwapoteza Nasri na Fabregas ambao waliondoka lakini zaidi ya hapo tuliwapoteza pia Diaby na Wilshere ambao walikuwa majeruhi" .

"hivyo tulipoteza wachezaji wanne wakati wa kuanza msimu tofauti na wakati huu,tunataka kushindana na hiyo ndiyo nia yetu.

Wakala:Giuseppe Rossi huenda akasema ndio kuelekea AC Milan.

Wakala wa mshambuliaji wa Villarreal Giuseppe Rossi amethibitisha kuwa huenda mshambuliaji huyo akaelekea kukubali kujiunga na AC Milan.

Mshambuliaji huyo mwenye umri wa miaka 25 msimu uliopita alikuwa katika msimu mbaya kufuatia kusumbuliwa na msuli tangu mwezi October, na kuanza kusumbuliwa tena wakati akirejea katika mazoezi akiwa na manyambizi hao wa manjano mwezo April.

majeraha hayo yalimnyima nafasi ya kucheza msimu uliopita ambapo alionekana dimbani katika michezo 14 tu ambapo Villarreal ilifikia katika hatua ya hatari katika msimamo wa ligi ya La Liga mwezi May.

Licha ya kuwa nje ya uwanja kwa muda mrefu bado vilabu mbalimbali vikubwa barani ulaya viliendelea kumfuatilia ikiwa ni pamoja na Milan.

Wakala wake Federico Pastorello amethibitisha kupitia Sky Sport 24 kuwa huenda mshambuliaji huyo akaondoka katika klabu hiyo.

Mshambuliaji huyo ameitumikia timu yake jumla ya michezo 192 tangu alipo jiunga nayo mwaka 2007 akitokea Manchester United.

Mwamuzi kuchukua hatua dhidi ya Luisao

Mwamuzi  Christian Fischer amesema atachukua hatua ya kumshitaki mchezaji wa Benfica, Luisao baada ya kumsukuma mpaka chini katika mchezo wa jumamosi wa kirafiki dhidi ya Fortuna Dusseldorf, ambao ulishindwa kuendelea.

amenukuliwa akisema

"nilishtuka sana kufuatia kitendo hicho"

 Fischer mwenye umri wa miaka 42 alikuwa akiongea na chombo cha habari cha nchini Ujerumani DPA hapo jana.

amesema

"katika kipindi chote cha miaka 20 ya kuwa mwamuzi sikuwahi kufanyiwa kitu mbaya kama kile hata katika ligi kuu ya Bundesliga."

Fischer ambaye aligoma kuendelea kupiga filimbi katika mchezo huo uliopigwa Esprit Arena baada ya dakika ya 38 ameliambia The Express kuwa atachukua hatua kufuatia tukio hilo

"katika kuthibisha kama ushahidi nina kipande cha rikodi ya TV. Luisao anaweza kusema atakavyo .lakini ni kichekesho kwa kwa kuwa kila mtu ameona kilichotokea."

Mkurugenzi wa habari wa shirikisho la soka la Ujerumani Ralf Koettker,amesema ni jukumu la chombo cha kinidhamu cha Ureno kumuadhibu au kutokumuadhibu Luisao.

Italy dhidi ya England: mshambuliaji wa Manchester City Mario Balotelli nje.

mshambuliaji wa Manchester City Mario Balotelli ameondolewa katika kikosi cha timu ya taifa ya Italy ambacho kitakuwa dimbani dhidi ya England jumatano nchini Switzerland kwasababu ya conjunctivitis.

Matatizo ya macho yalipelekea mshambuliaji huyo mwenye umri wa miaka 22 hakuwepo katika kikosi cha Manchester City kilichocheza dhidi ya Chelsea katika mchezo wa ngao ya jamii hapo jana .

katika kikosi hicho mbali na Ballotel lakini pia hakuna mchezaji wa Juventus wala Napoli ambaye amejumuishwa kwasababu ya uwakilishi wao katika vilabu vya jumapili katika mchezo wa Supercoppa mjini  Beijing.

Kocha Cesare Prandelli ametaja wapya nane ambao hawakuwahi kuwemo kikosini akiwemo Stephan El Shaarawy wa AC Milan.

Prandelli pia kawapumzisha wazoeefu waliofungwa katika fainali ya Euro 2012 na Hispania goli 4-0 lakini akiwaongeza wachezaji wanne wa Atalanta ambayo imerejea ligi kuu Serie A lakini pia wakiwemo mshambuliaji Manolo Gabbiadini,mlinzi Federico Peluso na mlinda mlango Andrea Consigli wakiingizwa kwa mara ya kwanza kikosini.

Walinzi Mattia De Sciglio na Francesco Acerbi ni miongoni wachezaji watano waliochaguliwa katika kikosi hicho kitakachokuwa dimbani huko Berne.

Wengine ni mlinda mlango wa Genoa Mattia Perin na kiungo wa Sampdoria Andrea Poli ambao walikuwa kwa mkopo Inter Milan msimu uliopita.

Uefa yapunguza adhabu ya Terry

Shirikisho la soka barani ulaya Uefa imepunguza adhabu iliyotokana na michuano ya vilabu bingwa ya mlinzi wa  Chelsea  John Terry baada ya rufaa ta mchezaji huyo kufanikiwa.

Taarifa ya bodi ya uongozi ya Uefa kupitia mtandao wake imethibtisha kuwa adhabu hiyo imepunguzwa kufuatia rufaa ya Terry ambapo badala ya kusimama michezo mitatu sasa atasimama michezo miwili.

Taarifa hiyo imesomeka

"Licha ya mlinzi huyo wa kati kuwa bado amesimamishwa kwa michezo mitatu kwa michezo ya vilabu ya Uefa sasa mchezo wa tatu umeondolewa ndani ya kipindi cha miaka mitatu ya adhabu hiyo.

Mlinzi huyo wa kimataifa wa England alipewa adhabu hiyo baada katika mchezo wa pili wa nusu fainali dhidi ya Barcelona April 24 ambapo alimpiga buti Alexis Sanchez akiwa hana mpira.

Adhabu hiyo ilimkosesha mchezo wa fainali dhidi ya Bayern Munich na sasa atakosekana katika mchezo wa  Super Cup dhidi ya Atletico Madrid August 31.