Euro 2012: Steven Gerrard ana msongo wa mawazo



Steven Gerrard

Venue: Olympic Stadium

Nahodha wa timu ya taifa ya England Steven Gerrard atakuwa hii leo akiingia uwanjani na wasiwasi mkubwa wa kuondoshwa katika michuano hiyo kutokana na kumbukumbu ya kutolewa kwa mara kwa mara Uingereza katika michuano mikubwa hasa inapofikia katika hatua kama hii ya robi fainali.

Uingereza usiku wa leo inaingia dimbani katika mchezo wa robo fainali ya michuano ya Euro 2012 dhidi ya Italia mjini Kiev.



Steven Gerrard akiwa na mkewe

Gerrard atakuwa akiwaongoza wenzake chini ya kocha Roy Hodgson wakiwa na kumbukumbu ya kuondoshwa Euro 2004 na Ureno kwa njia ya penati mjini Lisbon na miaka mingine miwili baadaye katika fainali ya kombe la dunia kule Gelsenkirchen.

Ananukuliwa Gerrard akisema

"tangu kuanza kuichezea England nimekuwa katika ndoto ya kufanya vizuri katika michuano mikubwa na mpaka sasa haijatokea "

Gerrard akaongeza

"kuna nafasi nyingine ya kufanya hivyo kwasababu maumivu ambayo nimekuwa nayo huko nyuma na nadhani safari hii itakuwa tofauti. Nitafanya kila linalowezekana kujaribu kufanya tofauti."