Beckenbauer: Germany haina hofu na timu yoyote



Franz Beckenbauer

Franz Beckenbauer amepaza sauti yake kama maoni yake kuwa Ujerumani ina ubora wa kuichapa timu yoyote katika fainali zinazo endelea za euro 2012.

Kiwango cha Ujerumani kilikuwa ni cha kuvutia wakati ilipoichapa Ugiriki kwa mabao 4-2 katika mchezo wa hatua ya robo fainali na sasa ikiwa ina rikodi ya kushinda michezo 15 ya kimashindano na wakijipanga kutwaa ubingwa wa Euro 2012.

Amenukuliwa Beckenbauer na Bild akisema

"Napata ugumu kuona chembe ya udhaifu katika timu ya Ujerumani"

"kama umeshinda michazo yako yote ya kimashindano tangu nusu fainali ya kombe la dunia 2010 huna haja ya kuhofia mpinzani yoyote

"Ujerumani ilikuwa juu sana katika mchezo dhidi ya Ugiriki na pengine wangeweza kupata mabao mpaka manne kabla ya mapumziko dhidi ya Ugiriki.

 Ujerumani kwasasa inasubiri mpinzani wake kati ya ama Uingereza au Italia ambao wanacheza usiku huu na mchezo wa nusu fainali kati ya Ujerumani dhidi ya mshindi wa leo ukitarajiwa kuchezwa mjini Warsaw June 28.