Ligi kuu ya Kenya yaingia mzunguko wa pili

Ligi kuu ya soka nchini Kenya “Kenyan Premier League (KPL)” imeanza tena hapo jana hatua ya mzunguko wa pili kwa Nairobi City Stars kupata ushindi wa bao 1-0 dhidi ya Thika United ushindi ambao umekuwa ni wanne mfululizo kwa upande wao.

Bao la washindi liliwekwa kimiani na George Mwangi kunako dakika ya 12 baada ya mlinda mlango wa Thika

Joel Batari kushindwa kuushika mpira wa nguvu uliopigwa na David Kingatua.

 Baada ya ushindi huo City Stars imepanda mpaka nafasi ya 10 ikikusanya jumla ya points 20.

Kwingineko Mathare imeichapa Karuturi Sports ya Naivasha kwa jumla ya mabao  3-1 katika mchezo wao wa kwanza wa mzunguko wa pili.

Mathare ilionyesha nia ya kushinda tangu mapema kwa kufanya mashambulizi ya mara kwa mara. Juhudi zao zilizaa matunda kunako dakika ya 14 kupitia kwa Francis Ouma ambaye alikuwa mwiba baada ya kross ya Jesse Were.

Dakika ya 29 Ouma akatoa pasi murua kwa Were ambaye alifumga bao la pili.

 Kipindi cha pili dakika ya tano  Were alikuwa katika nafasi nzuri na hakufanya ajizi baada ya kupokea pasi ya toka kwa Andrew Tololwa ,

 Bao la Karuturi la kufutia machozi liliwekwa kimiani kunako dakika ya 90 na Jacob Omondi akifunga kwa kichwa pasi ya Geofrrey Msiebe.

 Upande wao Gor Mahia wamewachapa Western Stima kwa bao 2-1 katika mchezo mwingine uliopigwa Mumias Sports Complex,

Mabao ya washindi yalifungwa na Joseph Njuguna and Dan SSerunkuma.