MANJI NA RAIS PAUL KAGAME USO KWA USO

 

Kikosi kamili cha viongozi na wachezaji  Yanga ambacho kipo nchini Rwanda kesho kitakuwa na mazungumzo na Rais Paul Kagame wa nchi hiyo.

Yanga ambayo iko katika program yake ya mazoezi  inataria kucheza michezo miwili ya kirafiki ijumaa ikianza na Police fc ya huko.

Akiongera na Rockersports makamu mwenyekiti wa klabu ya Yanga Clement Sanga amesema wanataraji kucheza mchezo wa kwanza wa kirafiki dhidi ya Polisi fc  Ijumaa kabla ya mchezo wao wa pili na wa mwisho dhidi ya Rayol sports jumapili na jumatatu watakuwa wakirejea nyumbani Tanzania kuendelea na program yao ya mazoezi ya kujiwinda na ligi ya Vodacom.

Mabingwa hao wa kombe la Kagame linalodhaminiwa kila mwaka na Rais Kagame waliwasili jana nchini humo kwa mwaliko wa Rais Kagame lakini pia ni sehemu ya muendelezo wa program ya mazoezi ya wiki moja kwa ajili ya maandalizi ya ligi kuu ya Vodacom iliyosogezwa mbele mpaka September 15.

Hapo kabla Yanga ilikuwa imejipanga kucheza mchezo mwingine dhidi ya mabingwa wa ligi ya Rwanda “Primus league” APR lakini mchezo huo umefutwa.