UGANDA CRANES YATWAA TAJI LA 13 LA CHALENJI. AKINA NGASA NA JOHN BOCCO WANYIMWA TUZO YA KIATU CHA DHAHABU APEWA ROBERT SENTONGO LICHA YA MABAO MACHACHE.

Makamu wa Rais wa Uganda Ssekandi akimkabidhi kombe nahodha wa Uganda cranes Hassan Waswa taji cha chalenji baada ya kuichapa Harambee Stars kwa mabao 2-1 katika mchezo wa fainali uwanja wa Namboole.

Wachezaji wa Uganda Cranes katika picha ya pamoja baada ya kukabidhiwa kombe la chalenji 2012 pamoja na hundi ya mfano yenye thamani za dolari za kimarekani 30,000.

 Goli la dakika za lala salama lililofungwa na kiungo anaechezea soka nchini Vietnam Geoffrey Kizito lilikuwa ni muhimu katika kutimiza ndoto, dhamira na nia ya timu ya taifa ya Ugandan ‘Uganda Cranes’ ya kutwaa taji la 35 la michuano ya kombe la chalenji la Cecafa baa day a kupata ushindi wa mabao 2-1 na hivyo kutengeneza rekodi ya kutwa taji hilo mara 13 mchezo uliochezwa katika dimba la Mandela lililoko Namboole nchini Uganda.

Uganda Cranes ilianza kuandika bao la kuongoza kunako dakika ya 27 katika kipindi cha kwanza kupitia Anthony Kimani likiwa ni goli la kujifunga baada ya mpira uliopigwa na Robert Ssentongo kumgonga baada ya mpira wa kashikashi wa Joseph Ochaya.

Kipindi cha pili Kenya ilikuwa katika uwezo mzuri na kunako dakika ya 87 juhudi zao zilizaa matunda baada ya Edwin Lavasta kuandika bao la kusawazisha baada ya kupokea mpira wa krosi kutoka wingi ya kushoto.

Wakati ikidhaniwa kuwa mchezo huo ungemalizika ndani ya dakika 90 kwa sare, Geoffrey ‘Baba’ Kizito akaifungia Uganda bao la pili na la ushindi kunako dakika ya 90.

Kiungo huyo wa zamani wa SC Villa na Express FC aliunganishwa kwa kichwa mpira wa adhabu wa Robert Ssentongo baada ya Abdallah Juma kuunawa mpira nje kidogo ya kisanduku cha hatari.

Uganda imetengeneza rekodi ya kuchukua taji hilo mara 13.

Brian Umony wa Uganda ametajwa kuwa mchezaji bora wa michuano wakati ambapo Hamza Muwonge ametangazwa kuwa mlinda mlango bora.

Robert Ssentongo amepewa zawadi ya kiatu cha dhahabu licha ya kuwa na magoli machache kwa washambuliaji wawili wa Kilimanjaro John Raphael Bocco na Mrisho Ngassa ambao wamefunga magoli matano kila mmoja.

Mapema katika mchezo wa kutafuta mshindi wa tatu Zanziba ilichapa Kilimanjaro Stars kwa mabao 6-5 kwa njia ya kimwaju ya penati baada ya kumaliza dakika 90 kwa sare ya mabao 1-1

Bal la Kilimanjaro lilifungwa na Mwinyi Kazimoto kunako dakika ya 20 huku bao la Zanzibar likifungwa na Othman Alliy kunako dakika ya 86 ya mchezo.

Zanzibar imezawadiwa dolari za kimarekani 10000.

Kilimanjaro: Juma Kaseja, Erasto Edward Nyoni, Issa Rashid, Shomari Kapombe, Kevin Yodan, Amri Kiemba, Athman Idd, Shaban Musa, Mwinyi Kazimoto, Mrisho Alfan Ngasa, John Rapheal Bosco

ZANZIBAR: Abdalla Rashid Abdalla, Nadir Cannavaro, Nassor Masoud Said, Samih Nuhu Haji, Aggrey Ambrose Morris, Sabri Alliy Makame, Suleyman Kassim Suleyman, Khamis Mcha Khamis, Jaku Juma Jaku, Seif Rashid Abdalla, Abdulghan Gulam Abdalla.