Felix Sunzu "sintofahamu" Simba

Felix Sunzu

  Mshabuliaji wa Simba raia wa Zambia Felix Sunzu huenda akaingia matatizoni na uongozi wa klabu hiyo kufuatia kuendelea kusalia nchini Zambia mpaka sasa bila ya sababu  maalum.

Sunzu alitakiwa kuwepo hapa nchini hata kabla ya timu hiyo kuelekea katika ziara ya michezo miwili ya kirafiki huko Kanda ya Ziwa ambako ilicheza michezo miwili ya kirafiki. 

Katika mchezo wa kwanza Simba iliichapa Toto Afrika mabao 2-0 jijini Mwanza,kabla ya kwenda sare ya bao 1-1 na Express ya Uganda mkoani shinyanga hapo jana.

Felix Sunzu licha ya kuwa na mawasiliano na viongozi wake hata hivyo amekuwa hatoi sababu za kueleweka zinazo mfanya kuendelea kusalia nchini Zambia mpaka sasa.

Taarifa za ndani zinaarifu kuwa kuna kusudio la kumkata mshahara wake wa mwezi huu wakati ambapo akiendelea kutakiwa kurejea nchini Tanzania na kujiunga na wenzake mapema.

Wakati klabu Simba ikitarajia kurejea jijini Dar es Salaam hii leo ikitokea mkoani Shinyanga , programe kamili ya mazoezi na kambi rasmi inatarajiwa kuanza hapo kesho.