SIMBA KUIPA SC VILLA YA UGANDA MGAO WA MAUZO YA OKWI

Sports Club Villa ya nchini Uganda imeanza kufikiria kufaidika na malipo ya uhamisho wa mshambuliaji wa Simba Emmanuel Okwi ambaye kunataarifa kuwa huenda akauzwa na Simba katika klabu moja ya nchini Italia kama si Orlando Pirates ya Afrika kusini.

Hata hivyo mchezaji huyo anatarajia kuelekea nchini Italia kwa majiribio ya wiki mbili hizi zikiwa ni taarifa toka kwa makamu mwenyekiti wa klabu ya Simba Geoffrey Nyange Kaburu

Klabu hiyo kwasasa inafikiria kupata si chini ya shilingi milioni 100 za Uganda endapo mauzo ya mchezaji huyo yatafikia shilingi bilioni 1.6 kwa fedha za Uganda fedha ambazo Simba inatazamia kulipwa endapo atajiunga na Orlando Pirates.

Endapo mchezaji huyo wa kimataifa wa Uganda ambaye kwasasa ndiye mfungaji anayeongoza katika timu ya taifa ya Uganda Cranes akiwa na magoli mawili katika michezo mitatu aliyoichezea timu ya taifa atauzwa Villa nayo itakuwa ikikinga mkono kusubiri malipo ya mauzo yake.

 Kwa mujibu wa taarifa toka nchini Uganda ambazo zimenukuliwa katika mtandao mmoja wa michezo wa Ugandasport.org zimesema faida kama hiyo ni kawaida kwa klabu ambayo mchezaji amepitia kabla ya kuuzwa na klabu yake anayoichezea na kusema ni utaratibu mpya uliowekwa na kuheshimiwa na FIFA.

Taarifa za nyuma zilinukuu wakuu wa Simba wakisema wanatarajia kumuuza Okwi kwenda Pirates ya Afrika kusini kwa zaidi ya shilingi milioni 800m ukilinganisha na shilingi milioni 12 ambazo Simba iliilipa Villa wakati wakimnunua.

Mwaka jana Okwi alijaribu kucheza soka katika klabu ya Kaizer Chiefs kabla ya msimu uliopita lakini aligoma kuelekea huko  na badala yake akaelekea kujaribu soka nchini Uturuki ambako alishindwa kufuzu.