Nahodha wa Jamhuri ya Czech Republic Tomas Rosicky anafikiria kustaafu soka la kimataifa

Thomas Rosicky

 Kiungo mchezeshaji wa Arsenal ambaye alikosekana katika mchezo wa robo fainali ya michuano ya Euro 2012 ambapo walichapwa na Ureno na kufungwa anafikiria sasa kuachana na soka la kimataifa.

Katika mchezo wa robo fainali hakuwepo kutokana na kusumbuliwa na msuli  na anaona hakuna haja ya kuendelea kucheza soka la kimataifa baada ya kucheza kwa takribani miaka 12.

Kikosi cha kocha Michal Bilek kimeondoshwa katika michuano ya Euro 2012 jana katika mchezo wa robo fainali kwa kufungwa bao 1-0 na Ureno mjini Warsaw naye akisema hadhani kama ataendelea na jukumu la kimataifa akilitumikia taifa lake la Jamhuri ya Czeck maaruku kama “Narodak”.

Amenukuliwa akisema

"najua mimi si kijana tena nimekuwa na tatizo la afya hivyo niko katika kipindi cha kufikiria, ningependa kuendelea lakini mimi si pumbavu najua kuwa umri umekwenda."

Rosicky ambaye ana umri wa miaka 31 jana alilazimika kukaa katika benchi akishuhudia goli la Cristiano Ronaldo akifunga goli la kichwa kunako dakika ya 79 ya mchezo huo.

Amenukuliwa akikubali kuwa Ureno maarufu kama “Seleccao” walikuwa wazuri lakini wanapaswa kujivunia jihada zao zilizo wafanya kufuzu toka katika kundi lililokuwa na timu ngumu za Russia, Poland na Greece.