Boca Juniors kucheza fainali ya Copa dhidi ya Corinthians

Boca Juniors wakishangilia mara baada ya mchezo wa jana

Boca Juniors jana imekwenda sare ya bila kufanga dhidi ya Universidad de Chile katika mchezo uliopigwa Estadio Nacional sare ambayo ina toa nafasi Boca kucheza fainali ya michuano ya Libertadores dhidi ya Corinthians.

Mabingwa hao mara sita wa michuano ya vilabu marekani ya kusini toka nchini Argentina walifanikiwa kupita nusu fainali baada ya ushindi wa jumla wa mabao  2-0 baada ya kushinda mchezo wa mkondo wa kwanza kule La Bombonera mjini Buenos Aires wiki iliyopita.

Corinthians ilikamilisha ushindi wa jumla wa mabao 2-1 dhidi ya wenzao toka Brazil timu ya Santos ambao walikuwa watetezi wa taji.

Fainali hiyo ya michezo miwili ya nyumbani na ugenini itakuwa ni ya mara kumi kwa Boca juniors ilhali ikiwa ni mara ya kwanza kwa Corinthians.

Mchezo wa kwanza utakuwa nyumbani kwa Boca nchini  Argentina jumatano ijayo.