Esperance ya Tunisia yatinga nusu fainali ya klabu bingwa African

Klabu bingwa barani Afrika Esperance ya Tunisia imefanikiwa kutinga hatua ya nusu fainali ya klabu bingwa Afrika baada ya kupata ushindi wa mabao 2-0 dhidi ya ndugu za wa Etoile du Sahel.

Mchezo huo umefanyika mbele ya mashabiki wa timu moja tu wa Etoile uliingiwa na vurugu kubwa za kuvamia uwanja baada ya kila bao kiasi polisi kulazimika kutumia gesi kutawanya watu kutoka katika uwanja.

Karim Aouadhi alifunga bao la kwanza katika dakika ya  41 ilhali Yanick N'Djeng akifunga goli la pili katika dakika ya 74 na kuamsha furaha toka kwamashabiki wao waliokuwa katika jiji la Tunis,

Ushindi huo ni muendelezo wa rikodi yao ya kutokufungwa katika jumla ya michezo 20 ndani ya misimu miwili.

Katika michezo mingine ya kundi A, AS Chlef imepoteza mchezo wake baada ya kufungwa kwa mabao 2-1na wageni timu ya Sunshine Stars ya Nigeria mchezo uliopigwa ijumaa jioni matokeo ambayo yanaifanya AS Cleif kushindwa kusonga mbele kwenye hatua ya nusu fainali ya klabu bingwa barani Afrika.

Sunshine iko mbele ya Etoile kwa points tatu wakati ambapo Chlef yenyewe imepoteza michezo yake yote minne ya hatua ya makundi mpaka sasa na imesalia mkiani katika kundi hilo bila ya point.

Katika mchezo huo Sunshine ilianza kupata bao mudamfupi kuelekea mapumziko kupitia kwa mkameroon Medrano Tamen aliyemalizia mpira wa  counter-attack kulekea katika klabu hiyo ya nchini Nigeria.

Wenyeji walifanikiwa kusawazisha muda mfupia baada ya mapumziko kupitia kwa mkameroon mwingine Anicet Eyenga lakini matumaini ya Chlef kushinda yalimalizwa na Sabri Gharbi alipotolewa nje ya uwanja kunako dakika ya 65 ya mchezo.

Dakika saba baadaye  Akombo Ukeyima akauweka mpira wavuni na kuandika bao lingine na kuipa ushindi timu hiyo ya kutoka nchini Nigeria.

Matokeo ya michezo ya kundi A

    ASO Chlef 1-2 Sunshine Stars

    Etoile du Sahel 0-2 Esperance

Katika kundi B Zamalek inahitaji ushindi na mbeleko toka kwa klabu nyingine ya jijini Cairo, Al Ahly angalau kupata nafasi ya kufika nusu fainali.

Ushindi kwa timu hizo mbili za kutoka Misri ungewapa Ahly points 8 na kuongoza kundi B na kuiweka Zamalek katika nafasi ya pili katika kundi.

Zamalek ambayo haina point hii ilitarajiwa kuwepo dimbani dhidi ya TP Mazembe  toka DRC mchezo ambao utapigwa bila ya mashabiki huku milango ikiwa imefungwa kutoka na hali ya usalama kuwa ndogo lakini pia mchezo mwingine wa kundi hilo Ahly yenyewe itakuwa ugenini nchini Ghana kuwavaa Berekum Chelsea walio katika nafasi ya tatu katika kundi hilo.

Mazembe iliichapa Zamalek kwa bao 2-0 nyumbani Congo wiki mbili zilizopita huku hongera nyingi zikipelekwa kwa mlinda mlango Abdel Wahed Al Sayed na kuufanya mchezo huo kwenda dakika 70 bila bao.

Lakini naye Walid Soliman akiisaidia Ahly kupata mvua ya mabao 4-1 dhidi ya Chelsea mjini Cairo.

Mabingwa mara sita wa taji hilo barani Afrika Ahly wanaongoza wakiwa na points 9  wakati ambapo Mazembe na Chelsea wakitofautiana kwa mabao ya kufunga na kufungwa wote wakiwa na points 4 nao Zamalek wakiwa patupu kufuatia kufungwa katika michezo mitatu mfululizo.

Hata hivyo endapo timu hizo za Misri zikipata ushindi katika michezo yao ya leo kule Cairo na Accra huenda ikawapa nguvu Zamalek ya kuanza mbio za kusaka nafasi ya pili kwa kuwa itakuwa nyuma ya Mazembe na Chelsea kwa point moja katika kundi ambalo ndilo kundi la kifo.

Michezo ya kundi B

    Berekum Chelsea v Al Ahly (Sunday, 1400 GMT)

    Zamalek v TP Mazembe (Sunday, 2000 GMT)

 Mshambuliaji wa kimataifa wa Benin na Zamalek Razak Omotoyossi anaamini mabingwa hao mara tano barani Afrika bado wako katika nafasi ya kuwania taji,lakini wanapaswa kushinda michezo yao yote iliyosalia dhidi ya Mazembe, Chelsea na Ahly mjini Cairo.