SOMA KIMATAIFA:Liverpool yaambiwa no kwa Butland.

Liverpool yaambiwa no kwa Butland

 Meneja wa Birmingham City Lee Clark ametangaza kuwa hana nia ya kumuuza mlinda mlango Jack Butland kwenda Liverpool ama klabu nyingine yeyote.

Liverpool imekuwa ikihusishwa kwa kuweka ada ya pauni milioni £7.5 kwa ajili ya mlinga mlango huyo mwenye umri wa miaka 19 ambaye ni mlinda mlango kinda kuliko wote ambaye aliidakia England katika mchezo dhidi ya Italy kule Berne jumatano.

Butland alikuwepo katika kikosi cha England mwenye Euro 2012 pia alikuwa ni mlinda mlango namba moja katika timu ya GB kwenye michuano ya Olympics 2012.

Mlinda mlango huyo kwasasa ana kiwango cha kucheza katika timu yoyote katika ligi alianza kuidakia  Birmingham hapo jana baada ya kuwepo kwa mkopo katika klabu ya Cheltenham inayocheza ligi ndogo maarufu kama ‘League Two’ nchini Uingereza msimu uliopita.

Kwasasa ameanza kupata umaarufu na kuanza kuvutia vilabu mbalimbali vya Premier League. Alionekana mwiba katika mchezo ambao Birmingham ilikwenda sare ya bao 1-1 na Charlton katika ligi ya Championship.

 Everton seal Mirallas deal

 

Everton imetangaza kumsajili mchezaji wa kimataifa wa  Belgium Kevin Mirallas toka Olympiakos ya Ugiriki kwa mkataba wa miaka minne.

Mirallas mwenye umri wa miaka 24 aliifungia timu yake mabao 20 kufuatia kushuka dimbani katika michezo 25.

Everton maarufu kama Toffees imeshinda mbio za kunasa sini ya Mirallas baada ya ada ya pauni milioni £6 kukubaliwa na Olympiakos ijumaa jioni.

Mshambuliaji huyo sambamba na ada hiyo kimsingi amekubali mambo yanayo husu maslahi yake binafsi na marupurupu mengine na jana akafanyiwa vipimo vya afya ambavyo alifanikiwa nah ii leo ametangazwa rasmi na klabu yake mpya.

Amenukuliwa Miralles akisema

"nafurahi kwa kuwa Everton ni klabu kubwa na binafsi hii ni fursa nzuri, nilijua Everton ilikuwa ikinifuatilia kipindi kirefu na baada ya kuongea na meneja nikaamua kuja  Everton.

"najua hii ni klabu kubwa yenye mashabiki wengi na klabu yenye uwezo wa kushinda michezo mingi katika Premier League. Ndio maana nimejiunga nayo."

Meneja David Moyes amefurahia ujio wa mchezaji huyo na kusema ataipa nguvu kikosi chake katika kampeni mpya hasa baada ya kuondokewa na Tim Cahill, James McFadden na Joao Silva majira haya ya kiangazi.

Mirallas amekabidhiwa jezi nambari  11 pale  Goodison Park lakini hata hivyo kesho hatakuwepo dimbani katika mchezo dhidi ya Manchester United.

Mshambuliaji huyo anaweza kucheza nafasi nyingi za ushambuliaji ikiwemo winga wa pande zote.

Huko nyuma amewahi kucheza vilabu kadhaa ikiwemo  Standard Liege, St Etienne na Lille.