NIMEKAMILISHA MAJUKUMU YANGU SASA BADO VIONGOZI WENYEWE WA VILABU NA TFF.

Kocha wa kikosi cha pili cha simba kilicho fanikiwa kutwaa taji la BancABC Selemani Matola amesema kwasasa ni jukumu la viongozi wa mpira nchini kuona ni namna gani wataweza kuwasaidia vijana ambao wako wengi nchini na ambao wanaweza kucheza soka endapo watapewa nafasi.

Matola ambaye ni kiungo wa zamani wa Simba amesema hakuna haja ya kuendelea kugombea wachezaji hasa wa kutoka nje ya nchi wakati wachezaji ni wengi hapa nchini isipokuwa wanakosa  kuendelezwa na viongozi wa vilabu na shirikisho la soka hapa nchini tff.

Akiongea na Rockersports Matola amesema watanzania wameona kuwa anaweza kufundisha soka na ni faraja kwake kuongoza kikosi cha Simba ambacho kimetwaa taji la BancABC.

Ameongeza kuwa soka duniani linachezwa na vijana na hivyo ni jukumu la wenye mpira kuliona hilo na kulifanyia kazi.

  Kikosi cha pili cha Simba jumamosi kilitwaa taji la BancABC Sup8r 2012 chini ya kocha Matola baada ya kuizamisha Mtibwa Sugar inayofundishwa na nahodha wa zamani wa timu ya taifa ya Tanzania Mecky Mexime iliyokuwa imekamilika kila idara kwa mabao 4-3. 

SIKILIZA