KIMATAIFA:Benzema:kilichokuwa muhimu hatuja fungwa na uruguay. RVP ampa raha Carrick kukamisha usajili Old Trafford usiku huu na Lewandowski anasema anasalia Dortmund.

Benzema:kilichokuwa muhimu hatuja poteza kwa uruguay.

Karim Benzema

Karim Benzema nyota wa Real Madrid amesema sare ya bila mabao dhidi ya mabingwa wa taji la Copa America si mbaya

Ufaransa haikufanikiwa kupata bao katika mchezo wao wa kwanza chini ya kocha mpya Didier Deschamps licha ya kuwa katika ubora lakini mshambuliaji huyo wa Real Madrid anasema ameridhishwa matokeo ya mchezo huo.

"tulipoteza nafasi nafasi za wazi lakini si mbaya kwa kuwa hatujafungwa yote kwa yote ulikuwa ni mchezo wa kiwango cha juu kwetu"

Benzema alikuwa akiongea na L'Equipe.

Wakati huo huo kiungo wa Toulouse Etienne Capoue alifurahishwa na kuwa katika kikosi hicho kwa mara ya kwanza akiitumikia timu ya Taifa ya Uafaransa.

amesema

"pamoja na kwamba hatukufunga lakini tulicheza vizuri,".

"nikiwa dimbani kwa mara ya kwanza katika timu ya taifa nimejikia faraja. Didier Deschamps aliniambia niwe mimi uwanjani nitafurahia mchezo ndivyo ilivyokuwa. imekuwa poa mimi kuwepo hapa."

Ufaransa itapambana na Finland katika mchezo mwengine utakachezwa September 6.

 RVP ampa raha Carrick.

Robie Van Persie

Mshambuliaji wa Asernal Robie Van Persie anaelekea kukamilisha uhamisho wake wa ada ya pauni milioni £24 kuelekea Old Trafford usajili ambao unatarajiwa kukamilishwa hii endapo atakuwa amefuzu vipimo vya afya na makubaliano ya maslahi binafsi.

Endapo mshambuliaji huyo atakamilisha hilo atakuwa ni mchezaji mwenye gharama kubwa kuhamia Old Trafford tangu kufanya hivyo mara ya mwisho  Dimitar Berbatov mwaka 2008 ambaye ameweka rikodi katika usajili wa ‘Premier League’.

Van Persie sasa anakwenda kuungana na Wayne Rooney kujenga safu kali ya ushambuliaji ya United.

Mike Carrick amepokea kwa mikono miwili juu ya taarifa hizo za ujio wa Persie akisema

"kuna mtu alidokeza katika chumba cha kubadilishia nguo hukusu Van Persie na kama itakwenda vizuri itakuwa safi sana,"  kauli hiyo ya Carrick imekuja baada ya mchezo wa ushindi kwa England wa mabao 2-1 dhidi ya Italy usiku wa jana "

Ameendelea kwa kusema alikuwa katika msumu mzuri msimu uliopita na ataboresha kikosi.

Kiungo Tom Cleverley ameongeza

 "ni wazi mchezaji mkubwa atatufanya kuwa wazuri."

Katika hatua nyingine meneja wa Manchester United  Sir Alex Ferguson anaamini usajili wa Robin van Persie utampa safu ya ushambuliaji kali kama ilivyokuwa katika kikosi cha mwaka 1999 ambacho kiliisaidia United kushinda taji la vilabu bingwa.

Ferguson anamtarajia mduchi huyo jumatatu  katika mchezo dhidi ya Everton ambapo atajiunga na Wayne Rooney kujenga ‘partnership’ ya wawili kushambulia nyavu.

Lewandowski: Nasalia Dortmund.

Robert Lewandowski

Mshambuliaji wa  Borussia Dortmund Robert Lewandowski amekanusha taarifa za kuondoka katika timu yake hiyo msimu huu .

Mshambuliaji huyo wa kimataifa wa Poland ambaye alifunga mabao matatu ‘hat trick’ dhidi ya Bayern Munich katika mchezo wa fainali wa DFB Pokal mwezi May alikuwa na mchqango mkubwa kwa Dortmund akifunga jumla ya mabao 22 na kutoa pasi za mwisho za mabao kumi aliamsha tetesi za kuondoka katika klabu yake na kuelekea kwa Bayern, Manchester United, Chelsea na Juventus.

Licha ya kiu yake ya kutaka kuchezea ligi kuu ya Uingereza ‘Premier League’, Lewandowski sasa ametangaza kuwa atasalia katika ligi ya Ujerumani Bundesliga akiwa na Dortmund.

Dortmund tayari imetoa taarifa kwa vilabu vinavyo mtaka Lewandowski kuwa hataondoka tena na atasalia Westfalenstadion mpaka atakapo maliza msimu na mazungumzo na wakala wake Cezary Kucharski yanatarakiwa kufanyika japokuwa Bayern iko tayari kutoa offer ya ongezeko la mshahara mnono wa euro €144,000 kwa wiki ili kumpeleka Allianz Arena.