Song: Ilikuwa ngumu kukataa kujiunga na Barcelona,Real Madrid yaomboleza kifo cha mchezaji kinda na Kiungo wa Real Madrid Ozil akanusha kuwa anajichanganya mno usiku.

Song: Ilikuwa ngumu kukataa kujiunga na Barcelona

Kiungo Alex Song amesisitiza kuwa ilikuwa kwake ngumu kukataa kujiunga na Barcelona baada ya timu hiyo kigogo nchini Hispania kuonyesha nia ya kumtaka.

Kiungo huyo mwenye nguvu, uwezo mkubwa wa kumiliki mpira na mwepesi kuamua,

 alijiunga na ‘Blaugrana’ akitokea Arsenal katika kipindi cha uhamisho wa kiangazi kilichopita.

Amenukuliwa na El Mundo Deportivo akisema

"Kama Barca wanakutaka inakuwa ngumu kusema hapana. Nafasi kama hiyo inatokea mara moja katika maisha na hutakiwi kuikosa"

"mara ya kwanza kufahamu kuwa wananitaka ilikuwa July. Waliongea na Arsenal, na Arsene Wenger akanifuata na kuniambia. Ilikuwa ngumu kumshawishi Wenger na kumpa mkono wa kwaheri, kwasababu alinisaidia mimi na familia yangu mambo mengi nilipofika nikiwa na umri wa miaka 17."

Kwasasa m-Cameroon huyo anasuburi kwa hamu kubwa mchezo mgumu na wa historia katika soka la Hispania, El Clasico, na anasisitiza kuwa atakuwa zaidi ya tayari kucheza endapo meneja wake atamchagua.

Amenukuliwa akisema

"sijui kama nitapangwa dhidi ya Real Madrid. Ni juu ya Tito Vilanova, ni wazi kuwa tutakuwa na nguvu mimi, Carles Puyol pamoja na Gerard Pique, lakini niko tayari kwa kazi. Nimecheza dhidi ya Cristiano Ronaldo kabla ya kuja hapa nikiwa katika Premier League."

Barcelona itakuwa wenyeji wa Real Madrid Oct. 7, lakini kabla ya mchezo huo itakuwa kwanza na michezo miwili dhidi ya Sevilla na Benfica.

Real Madrid yaomboleza kifo cha mchezaji kinda

 Real Madrid inaomboleza kifo cha mchezaji wao mototo Benjamin Alonso Ezquerra, ambaye amefariki dunia baada ya kugongwa na gari jumatatu iliyopita.

Kwa mujibu wa jarida la AS, Ezquerra, ambaye alijisajili na kikosi cha watoto ambacho ni sehemu ya mpango wa maendeleo wa muda mrefu wa klabu hiyo june 11, aligongwa wakati akivuka katika mtaa wenye msongamano mkubwa akitatafuta mpira uliopotea.

Taarifa ya Madrid imeonyesha kusikitishwa na kuhuzunishwa na msiba huo wa ghafla.

Imenukuliwa taarifa hiyo ikisomeka

"Real Madrid CF imesikitishwa na imehuzunishwa sana na kifo cha mchezaji Alonso Ezquerra, na inaungana na familia yake na marafiki zake katika kipindi hiki kigumu."

Alvaro Morata, kiungo mwenye umri wa miaka 19 ambaye ni hivi karibuni amejiunga na timu hiyo naye ametuma salamu zake za maombolezo kwa familia ya  Ezquerra kupitia mtandao wa kijamii wa Twitter.

umenukuliwa ujumbe wake ukisomeka klabu nzima ni familia ya  Ezquerra".

"wote tunaungana kuelekea katika familia yake. Rest in peace."

Kiungo wa Real Madrid  Ozil akanusha kuwa anajichanganya mno 

Nyota wa Real Madrid Mesut Ozil ameendelea kukanusha taarifa kuwa, amekuwa mtu wa kujichanganya sana nyakati za usiku na hivyo kuathiri kiwango chake uwanjani.

Meneja Jose Mourinho amekuwa akihusishwa na tabia ya kijana wake huyo mwenye umri wa miaka 23 nje ya uwanja na ntaarifa zaidi zikiarifu kuwa tabia ya kujichanganya sana kwa Ozil kumeshusha kiwango chake katika kipindi cha miezi 12 iliyopita.

Hata hivyo kiungo mshambuliaji huyo hii leo ameandika kupitia ukurasa wake wa mtandao wa kijamii wa facebook kuwa anazipuuza taarifa hizo na kusisitiza kuwa hakuwa ukweli wowote juu ya hilo.

Amenukuliwa akisema

"juu ya tetesi kuwa nakwenda sana nje usiku, si kweli. Na tangu nianze msimu sijawahi kutoka usiku. Nafanya mazoezi kama mchezaji professional," .