SUNZU KUZIBA PENGO LA OKWI KESHO DHIDI YA RUVU SHOOTING.

 Mshambuliaji Felix Sunzu wa Simba kesho anatarajiwa kuongeza nguvu katika kikosi cha timu hiyo ambacho kitashuka dimbani kupambana na timu ya Ruvu Shooting katika mfululizo wa michezo ya ligi kuu Tanzania Bara.

Kwa mujibu wa Ofisa Habari wa klabu hiyo, Ezekile Kamwaga amesema mchezaji huyo yupo fiti na kocha wa timu hiyo Cirkovic Milovan amemhakikishia mchezaji huyo atakuwepo katika mchezo huo.

Kamwaga amesema kwasasa hakuna mchezaji yoyote mwenye majeraha na matumaini ya kupata ushindi ni makubwa dhidi ya Ruvu Shooting hapo kesho uwanja wa Taifa, Dar es Salaam.

Simba ina pointi sita baada ya kuizamisha African Lyon kwa mabao 3-0 na baadaye katika mchezo wao wa pili dhidi ya JKT Ruvu wakaibuka na ushindi wa mabao 2-0.

 Katika mchezo uliofanyika kwenye uwanja huo huo huku mshambuliaji wao Emmanuel Okwi akipewa kadi nyekundu kutokana na kumpiga kiwiko Kessy Mapande nafasi ambayo inatarajiwa kuzibwa na Felix Sunzu.