Messi akubali kuingia mkataba mpya na Barcelona sasa kulipwa mshahara zaidi ya Rooney na Ronaldo

Mchezaji bora mara nne duniani Lionel Messi amekubali mkataba wa mpya na klabu yake ya Barcelona.

Mshambuliaji huyo wa kimataifa wa Argentina kwa mara ya mwisho kukubaliana na klabu yake juu ya kuongeza muda kwa mara ya mwisho ilikuwa ni February mwaka jana ambao ungekwenda mpaka 2018.

Barca bado haijatoa elezea kwa kina juu ya urefu wa mkataba huo na mahsmabuliaji huyo mwenye umri wa miaka 26 ambaye ametupia jumla ya magoli 41 msimu huu.

Mpango huu unaweza kumfanya Lionel Messi kuwa ni mchezaji mwenye malipo makubwa zaidi duniani na kumpiku mshambuliaji wa Manchester United  Wayne Rooney ambaye kwasasa ndiye anayelipwa fedha nyingi zaidi.

Rooney alisaini mkataba wa pauni milioni 15.6 mwezi February na kuarifiwa kuwa amezidi mshahara wa mshambuliaji wa Real Madrid  Cristiano Ronaldo ambaye analipwa pauni milioni £14.25 na Messi, ambapo hapo kabla alikuwa akilipwa pauni milioni £12.08 kwa mwaka kabla ya kukubali mpango mpya hii ikiwa ni kwa mujibu wa orodha ya malipo ya jarida la Forbes iliyotolewa mwaka 2013.