OLJORO MWENYEJI WA SIMBA VPL 2012/2013

KIKOSI CHA SIMBA

KIKOSI CHA JKT OLJORO

 

Ligi Kuu ya Vodacom (VPL) kuwania ubingwa wa Tanzania Bara msimu wa 2012/2013 inaingia raundi ya 16 leo jioni  (Februari 9 mwaka huu) kwa mechi nne ambapo Oljoro JKT itaikaribisha Simba jijini Arusha.

Mechi hiyo namba 129 itafanyika Uwanja wa Kumbukumbu ya Sheikh Kaluta Amri Abeid huku Simba ikiingia na kumbukumbu ya sare katika mechi yake iliyopita dhidi ya JKT Ruvu wakati wenyeji wao wakiwa wameshinda 2-0 dhidi ya Kagera Sugar.

Uwanja wa Kaitaba mjini Bukoba wenye uwezo wa kuchukua watazamaji 3,000 tu utatumika kwa mechi kati ya wenyeji Kagera Sugar na Mgambo Shooting. Mwamuzi wa mechi hiyo atakuwa Amon Paul kutoka Musoma mkoani Mara.

KIKOSI CHA KAGERA SUGAR

Toto Africans baada ya kufanya vibaya katika mechi tatu zilizopita ugenini imerejea nyumbaji jijini Mwanza itakapoumana na Coastal Union ya Tanga katika mchezo utaochezwa Uwanja wa CCM Kirumba.

Mwamuzi Simon Mberwa kutoka mkoani Pwani ndiye atakayechezesha mechi kati ya wenyeji Tanzania Prisons na African Lyon ambayo imepata huduma za kocha mpya Salum Bausi kutoka Zanzibar. Hiyo itakuwa mechi ya kwanza kwa Bausi kuiongoza timu katika VPL.

Maofisa wengine wa mechi hiyo ni mwamuzi msaidizi namba moja Abdallah Rashid, mwamuzi msaidizi namba mbili Abdallah Mkomwa wote kutoka Pwani wakati mwamuzi wa mezani ni John Kanyenye wa Mbeya. Kamishna wa mechi hiyo ni Rashid Rwena kutoka Ruvuma.

Mechi kati ya Mtibwa Sugar na Azam iliyokuwa ichezwe leo imesogezwa mbele kwa siku moja ambapo sasa itafanyika kesho Jumapili (Februari 10 mwaka huu) katika Uwanja wa Manungu ulioko Turiani mkoani Morogoro.

Kikosi cha Azam fc kesho kina kazi dhidi ya Mtibwa Manungu.

Rnk		Team	MP	W	D	L	GF	GA	+/-	Pts
1		Young Africans	15	10	3	2	29	12	17	33
2		Azam	15	9	3	3	23	13	10	30
3		Simba SC	15	7	6	2	24	13	11	27
4		Coastal Union	15	7	5	3	19	15	4	26
5		Ruvu Shooting	15	7	3	5	20	17	3	24
6		Mtibwa Sugar	15	6	5	4	19	14	5	23
7		Kagera Sugar	15	5	6	4	16	15	1	21
8		JKT Oljoro	15	5	5	5	18	17	1	20
9		Mgambo JKT	15	5	3	7	11	16	-5	18
10		JKT Ruvu	15	4	4	7	14	22	-8	16
11		Tanzania Prisons	15	3	6	6	9	15	-6	15
12		Toto African	15	2	6	7	12	21	-9	12
13		Polisi Morogoro	15	2	4	9	6	16	-10	10
14		African Lyon	15	2	3	10	10	24	-14	9