USIKU WA ULAYA MAMBO NI KAMA HIVI.

Kinyang'anyoro cha Champions League kinarejea uwanjani usiku huu wa Jumanne kesho Jumatano. Arsenal ya London na Barcelona ni timu mbili ambazo zinawania kupata ushindi wa tatu katika michezo mitatu ya makundi yao.

Viongozi hao wa Premier League Arsenal na Borussia Dortmund makamu bingwa wa Champions League walikutana katika msimu wa mwaka 2011-2012 wakati Robin van Persie alipofanikiwa kufunga katika mchezo wa nyumbani .

 Mchezo wa pili ulikuwa sare ya bao 1-1 mjini Dortmund.

Schalke 04 pia itakuwa uwanjani usiku huu ikioneshana kazi na Chelsea, Chelsea inahitaji kwa udi na uvumba ushindi mjini Gelsenkirchen kupata kujiamini zaidi baada ya ushindi wao wa mabao 4-0 dhidi ya Steaua Bucharest katika kundi E.

 Michezo mingine ni kati ya Steaua Bucharest ikiikaribisha Basel ya Uswisi, Marseille ya Ufaransa inakuwa mwenyeji wa SSC Napoli ya Italia, wakati katika kundi G , Porto ya Ureno imewaalika Zenit St Petersburg ya Urusi. 

Austria Vienna ina kazi dhidi ya Atletico Madrid , na Celtic itakuwa kibaruani na Ajax Amsterdam ya Uholanzi katika kundi H, ambapo pia AC Milan inaikaribisha nyumbani Barcelona.

Michezo hiyo inaendelea hapo kesho Jumatano ambapo mabingwa Bayern Munich inawakaribisha Pilsen ya Denmark na Leverkusen wako nyumbani kuikaribisha Schachtar Donetzk ya Ukraine.