COPA COCA-COLA Kigoma waomba mashabiki wao kuwashangilia kwa nguvu.

Mabingwa watetezi wa michuano ya taifa ya vijana wachezaji chini ya umri wa miaka U-17 Copa Coca-Cola Kigoma wamewataka mashabiki wake na wenyeji wa mkoa huo kujitokeza kwa wingi June 24 katika uwanja wa Kumbukumbu ya Karume katika mchezo wa ufunguzi wa michuano hiyo ambapo watetezi hao watakuwa wakianza kutetea taji lao dhidi ya Lindi.

Akizungumza na ROCKERSPORTS toka Kibaha mkoani Pwani katibu wa chama cha kandanda mkoa wa Kigoma Mrisho Bukuku amesema timu yake imewasili jana ikiwa salama na wachezaji wake wanahari kubwa ya kutete taji lao.

Michezo mingine katika siku ya ufunguzi itakuwa ni Morogoro washindi wa pili wa mwaka jana dhidi Manyara mchezo ambao utapigwa katika viwanja vya Tanganyika Packers  Kawe ilhali Kinondoni wakianza dhidi ya Temeke katika uwanja wa Nyumbu Kibaha na  Kilimanjaro wakianza na  Kusini Unguja katika uwanja wa Tamco huko Kibaha.

 Tayari makocha 35 wa vikosi vya timu za Copa Coca-Cola wameshapata semina ya FIFA ya namna ya kutoa mafunzo iliyoendeshwa na wakufunzi wa FIFA na CAF Ulric Mathiot kutoka Seychelles na Sunday Kayuni wa Tanzania.

Wachezaji vijana wa michuano ya copa coca-cola wakifualia michuano mwaka jana

 Jumla ya mikoa 28 ya kisoka iko katika maandalizi ya mwisho mwisho na mikoa ikitarajia kuwasili jijini Dar es Salaam kuanza michuano hiyo ya 6 tangu kuasisiwa kwake.

Timu zimegawanywa katika makundi manne huku kila kundi likiwa na timu saba.

 Watetezi wa taji Kigoma wapo katika kundi A pamoja na mikoa ya Arusha, Ilala, Kusini Pemba, Lindi, Rukwa na Ruvuma.

Kundi B kuna mikoa ya Iringa, Kaskazini Pemba, Manyara, Mjini Magharibi, Morogoro, Mwanza na Tanga.

Kundi C kuna mikoa ya Dodoma, Kaskazini Unguja, Kinondoni, Mara, Mbeya, Mtwara na Temeke wakati ambapo kundi D linajumuisha mikoa ya Kagera, Kilimanjaro, Kusini Unguja, Pwani, Shinyanga, Singida na Tabora.

Timu mbili za kwanza kutoka kila kundi zitaungana kwa pamoja katika hatua ya robo fainali.

Mchezo wa fainali unatarajiwa kuchezwa July 15

TFF kupitia mwenyekiti wa soka la vijana Msafiri Mgoyi amesema mchezaji halali katika michuano hiyo anatakiwa awe amezaliwa kuanzia January 1, 1996.

Kigoma ilishinda taji hilo baada ya kuichapa Morogoro katika mchezo wa fainali ulichezwa katika uwanja wa karume.