Euro 2012:Kichapo chawastaafisha soka wakongwe Ugiriki.

Konstantinos Chalkias mlinda mlango mstaafu wa Ugiriki

Kichapo cha Ugiriki cha mabao 4-2 toka kwa Ujerumani hatua ya robo fainali ya michuano ya UEFA EURO 2012 kimepelekea wakongwe Konstantinos Chalkias na Nikos Liberopoulos kutangaza kustaafu soka la kimataifa.

Mlinda mlango wa PAOK Chalkias kwasasa ana um

ri wa miaka 38 amekuwa ndiye mchezaji mkubwa kuliko wote wa michuano hii ya EURO 2012.

 Amekaririwa Chalkias ambaye ameichezea timu ya taifa ya Ugiriki jumla ya michezo 32 akisema amefurahia michuano hii na kuongezea.

"huu ulikuwa ni mwezi wa furaha sana katika maisha ya uchezaji wangu mpira. Sasa najikia fahari ilikuwa ndoto yangu kumalizia soka yangu hapa".

"najikia fahari na furaha kushiriki katika jitihada za kuifikisha Ugiriki katika robo fainali"

Chalkias alinza fainali hizi kama mlinda mlango namba moja lakini alishindwa kuendelea kutokana na kupatwa majeraha katika mchezo wa pili dhidi ya Jamhuri ya Czech.

Mstaafu wa soka la kimataifa Ugiriki mkongwe Nikos Liberopoulos

Kwa upande wake shambiliaji Liberopoulos ambaye kwasasa ana umri wa miaka 36 alianza kuitumikia timu ya taifa ya Uguriki mwaka 1996 amesema maamuzi ya kustaafu ni kama kuiacha familia yako.

Liberopoulos ambaye hakuwemo katika kikosi cha Ugiriki mwaka 2004 lakini miaka minne baadaye akafanikiwa kuwemo kikosini amesema alishawishika kuacha soka baada ya mchezo dhidi ya Ujerumani.

Aliingia uwanjani toka benchi katikati ya kipindi cha pili lakini akashindwa kuongeza goli loa 13 katika michuano ya kimataifa.

Amenukuliwa mchezaji huyo wa AEK Athens akisema

"nahisi kubariki kuufunga ukurasa huu katika timu ambayo kwangu mimi ni kama familia"

"ni heshima kubwa kwangu. Baada ya mchezo kwisha nilihisi kutokutaka kuondoka uwanjani "

Liberopoulos aliwahi kutangaza kuachana na soka la kimataifa 2009 kabla ya kocha wa wakati huo Fernando Santos kumshawishi kurejea uwanjani mwaka mmoja baadaye yaani 2010.