England mchecheto kuikabili Italia

Kikosi cha timu ya taifa ya Uingereza

Timu ya taifa ya Uingereza England itakuwa katika jaribio la kuhakikisha inafikia katika hatua ya nusu fainali ya michuano mikubwa kwa mara ya kwanza ndani ya kipindi cha miaka 16 jumapili wakati watakapo kuwa na kazi ya kuikabili Italia katika moja ya michezo mikubwa na migumu ya Euro 2012.

Hali ya kujiamini ndani ya kikosi cha vijana wa kocha Roy Hodgson inatiwa dosari na rikodi mbaya ya Uingereza kutokufikia hatua ya timu nane za mwisho katika michuano mbaya ikiondolewa mara tatu katika robo fainali ndani ya miaka 10 iliyopita.

Lakini baada ya kushinda katika mchezo wa kundi D mbele ya Ufaransa na kuendeleza rekodi ya kutokufungwa katika michezo mitano iliyopita Uingereza itakuwa ikielekea katika mchezo wa kesho jumapili kule  Kiev ikiwa na hali ya kujiamini kuwa wataendelea kusalia katika michuano hiyo.

Kocha wa Uingereza Roy Hodgson

 Tatizo kubwa kwa Hodgson na mablo linamuumiza kichwa ni kuwa na wachezaji zaidi ya watano ambao wako katika kitanzi cha kuwa na kadi kuelekea mchezo wa kesho.

Steven Gerrard, Ashley Cole, Ashley Young, James Milner na Alex Oxlade-Chamberlain wote wana kadi moja moja za njano kiasi huenda kama hawatajilinda vizuri wanaweza kukosekana katika mchezo wa nusu fainali dhidi ya ama Ujerumani au Ugiriki endapo wakifanikiwa kupenya katika mchezo wa kesho.

Hodgson hata hivyo ana kazi ya kuwaeleza wachezaji wake kutokucheza hiyo kesho kwa yahadhari ya kuogopa kusimamishwa kwa adhabu ya mchezo wa nusu fainali kwani inaweza kuharibu uwezo wao katika mchezo huo.

Hodgson anatarajiwa kuanziasha kikosi kilicho pata ushindi wa bao 1-0 dhidi ya Ukraine jumanne na sehemu ya ulinzi wa kati ikiongozwa na Milner ambaye atakuwa upande wa kulia na mbele yake ni Theo Walcott.

Kwa upande wake kocha Cesare Prandelli atalazimika kufanya mabadiliko katika ulinzi wa kati kufuatia majeruha yanayomsibu kiungo wake hodari Giorgio Chiellini ambaye nafasi yake itazibwa na Leonardo Bonucci.