Lionel Messi kushiriki Birthday ya Roger Milla nchini Cameroon kesho

Mkali Mesi

Roger Milla akikata mauno wakati akishangilia goli enzi zake

Mshambuliaji nyota wa Barcelona na timu ya taifa ya Argentina Lionel Messi huenda akaelekea nchini Cameroon mwishoni mwa juma hili endapo atakubali mwaliko wa mkongwe na wasisi wa soka barani Afrika Roger Milla.

Milla ambaye kwasasa ana umri wa miaka 60 na ambaye alikuwa tishio na kivutio katika fainali za kombe la dunia mwaka 1990.

Mwaliko wa Milla kwa Messi ni kwa ajili ya kujumuika naye katika maadhimisho ya siku yake ya kuzaliwa ambayo kimsingi ilikuwa ni May 20 lakini sherehe yake ikitarajiwa kufanyika hapo kesho June 29 na mshindi huyo mara tatu wa tuzo ya Ballon d’Or akiwa ni miongoni mwa wageni mashuhuri walio alikwa.

Roger Milla alivyo sasa akiwa na umri wa miaka 60

  “tumemualika Lionel Messi na amekubali sasa hebu tuone ratiba yake ikoje kama atakuja. Nina matumaini kuwa atakuwa hapa” Milla alikuwa akizungumza na waandishi wa habari jijini Yaounde.

 Wageni wengine walioalikwa ni pamoja na Samuel Eto’o, Abedi Pele na George Weah.