Wizara ya michezo na Right to play waandaa Kongamano linalohusu michezo na amani

Wizara ya Habari, Vijana, utamaduni na michezo kwa kushirikiana na Taasisi ya Right to play na British Council kwa pamoja wameaandaa Kongamano linalohusu michezo na amani (National forum on sport for development and peace) linatarajia kufanyika kesho Jijini Dar es salaam.

Kongamano hilo litafanyika kwa siku mbili katika Hotel ya Bluepearl Ubungo Jijini Dar es salaam june 21 na 22.

Mkurugenzi wa idara ya michezo nchini LEONARD THADEO amesema kongamano hilo litawashirika wadau mbalimbali wa michezo kutoka nje na ndani ya nchi.

Amesema lengo la kongamano hilo ni kutoa fursa kwa wadau kubadilishana mawazo na kuelezana changamoto zinazoikabili Mbali na kubadilishana mawazo wadau hao pia wataangalia sera ya michezo nchini na kutoa ushauri wa nini kifanyike ili kufikia malengo yaliyomo.