Walioweka mapingamizi kwa wagombea Yanga waingia mitini.

Mwenyekiti wa kamati ya uchaguzi ya Yanga jaji John Mkwawa

Taarifa zilizo ifikia Rockersports zinasema kuwa kikao cha kusikiliza mapingamizi kimefanyika salama bila ya wapingaji kuwepo katika kikao hicho kilicho fanyika hii leo makao makuu ya klabu ya Yanga.

Kikao hicho kilichokuwa chini ya mwenyekiti wa kamati ya uchaguzi ya Yanga Jaji John Mkwawa kilikuwa kinasikiliza pingamizi dhidi ya wagombea watano wa nafasi mbalimbali za uongozi akiwemo Yusufu Manji na Sarah Ramadhani wanaowania nafasi ya Mwenyekiti.

Wengine ni  Yono Kevella, Clement Sanga na Ally Mayay wanao wania nafasi ya makamu mwenyekiti.

Jaji Mkwawa hata hivyo alitumia maelezo ya mapingamizi yaliyowasilishwa dhidi ya wagombea hao kuwahoji wagombea juu ya hoja zilizomo ndani ya mapingamizi huku kila mmoja akitoa utetezi wake na baadaye kujiridhisha na utetezi wao.

Kwasasa kinachosubiriwa ni taarifa ya majumuisha ya kikao hicho ambayo kimsingi itatoa nafasi kwa wanachama wa klabu hiyo kuelewa nini kilicho chomoza baada ya kikao hicho.