Thomas Mashali kucheza pambano la ubingwa wa Afrika Mashariki na Kati na Bondia Medi Sebyala wa Uganda Oktoba 14 friends Corner.

Bondia wa Ngumi za kulipwa nchini Thomas Mashali amesaini mkataba wa kucheza pambano la ubingwa wa Afrika Mashariki na Kati na Bondia Medi Sebyala wa Uganda mchezo utakaofanyika Oktoba 14 mwaka huu katika Ukumbi wa friends Corner.

Akizungumza na waandishi wa habari Mratibu wa mpambano huo unaosimamiwa na Shirikisho la Ngumi za kulipwa TPBO Regina Gwae amesema mpambano huo ni maandalizi ya kuhakikisha bondia Thomas mashali sasa anavuka mipaka ya Tanzania baada ya kufanya vyema nchini na kwamba Bondia Medi Sebyala tayari ameshatumiwa Mkataba wake kwa ajili ya pambano hilo.

Pambano hilo litakuwa na raundi 10 na watacheza katika uzito wa kilo 72.

Regina amesema tunataraji pambano hilo litakuwa zuri na lenye kuvutia kwa kuwa Mashali ni bondia mzuri na Sebyala nae ni Bondia Mzuri aliyeweka historia ya kuwasumbua mabondia Fransis Cheka wa Morogoro na rashidi Matumla kwa nyakati Tofauti.

Pia amewaomba wafadhili kujitokeza kudhamini mchezo huo unatarajiwa kuwa na mapambanio yaq utangulizi yenye kuvutia ambapo mabondia wake waktatangazwa baadae watakaosindikiza mpambano huo.

Reply to: Reply to selemani semunyu

Send