MABINGWA ULAYA: BARCA SAFI, UNITED SAFI, CHELSEA HOVYO NA CELTIC DHIDI YA BENFIKA NGUVU SAWA.

Mabingwa watetezi wa tali la vilabu bingwa barani ulaya wamejikuta wakipata sare ya mabao 2-2 katika dimba la nyumbani Stamford Bridge mbele ya kibibi kizee cha Turin, Juventus.

 

Mshambuliaji wa kimataifa wa Brazil akiwa katika mchezo wake wa kwanza akianza katika kikosi cha kwanza alianza kuiandikia bao Chelsea kunako dakika ya 31 shuti ambalo lilimbabatiza Leonardo Bonucci na kumpita mlinda mlango Gianluigi Buffon, ambaye alikuwa akikamilisha mchezo wake wa 400 akiwa na Juve.

Mbrazil huyo aliandika bao la pili kwa staili aina yake kufuati kupokea pasi ya Ashley Cole, na mshambuliaji huyo mwenye umri wa miaka 21akawakwepa walinzi wawili wa Juve kabla ya kuukwamisha mpira wavuni kwa shuti lililokwenda upande wa juu wa kona ya goli na kuandika bao zuri. 

Mabao hayo mawili yalianza kupunguzwa na Juve dakiak tano baadaye kupitia kwa Arturo Vidal aliyepiga mpira mzuri wa chini uliompita mlango wa mkongwe wa Petr Cech.

Zikiwa zimesalia dakika kumi mchezo huo kumalizika Fabio Quagliarella aliyetokea katika benchi alifanikiwa kuandika bao la kusawazisha kufuatia kuinasa pasi mbovu ya John Obi Mikel. 

Huenda Juve wangeandika bao lingine dakika sita baadaye kufuatia Quagliarella kugeuka ndani ya kisanduku cha hatari katika lango la Chelsea lakini shuti lake liligonga mwamba wa goli.

Kwingineko Barcelona ambayo ilikuwa nyuma kimatokeo ya mchezo imefanikiwa kuichapa Spartak Moscow kwa mabao 3-2 mchezo uliopigwa Camp Nou.

Barca ndio waliokuwa wa kwanza kuandika bao la mapema kupitia kwa Cristian Tello kabla ya Dani Alves kujifunga mwenyewe katika harakati za kuokoa akiwa kwenye kasi kuelekea langoni kwake kabla ya Romulo kuiandikia Spartak bao la pili kunako dakika ya 58 akifunga bao zuri akiwa katika eneo la pembeni ya lango ‘tight angle’.

Hata hivyo Lionel Messi alifanikiwa kusawazisha bao hilo kunako dakika ya 80 na baadaye kuandika bao la tatu kwa kichwa.

Manchester United imefanikiwa kupata ushindi wa bao 1-0 dhidi ya Galatasaray.

Wakiwa katika dimba la Old Traford walifakiwa kuandika bao hilo pekee kupitia kwa Michael Carrick kupiga mpira uliomshinda mlinda mlango Fernando Muslera lakini huenda Galatasaray wangepata bao la kusawazisha baada ya mpira uliopigwa na Nordin Amrabat kugonga mwamba.

United pengine ingefanikiwa kuandika bao la pili kunako kipindi cha pili kufuatia Rafael kuangushwa ndani ya eneo la hatari na kuamuliwa ipigwe penati ambayo ilipigwa na Luis Nani ambayo iliokolewa na mlinda mlango Muslera.

 Wao Celtic wamekwenda sare ya bila mabao na Benfica

Shakhtar Donetsk imepata ushindi wa mabao 2-0 dhidi ya FC Nordsjaelland na kuongoza kundi E ambalo lina timu za Chelsea na Juventus. 

Henrikh Mkhitaryan ndiye aliyekuwa mfungaji wsa mabao yote ya mabingwa hao wa zamani wa mwaka 2009 wa UEFA Cup.