UGANDA CRANES HUENDA WAKAMALIZA MICHUANO YA CHALENJI BILA KURUHUSU NYAVU KUTIKISIKA. WANASAKA DAKIKA 540 'CLEAN SHEET'

Hamza Muwange

 Wakati michuano ya 36 ya kombe la chalenji ikielekea ukingoni huenga timu ya taifa ya Uganda (The cranes) ikamaliza michuano hiyo bila ya kuruhusu nyavu zao kutikisika.
Wakati mlinda mlango nambari moja Abel Dhaira alipopatwa na majeraha katika mchezo wa ufunguzi dhidi ya Harambee Stars wadau wengi walidhani pengine mbadala wake Hamza Muwonge asingeweza kulinda lango la The Cranes kwa mafanikio kwa mara ya kwanza.

Hata hivyo mlinda mlango huyo amefanikiwa kudhihirisha uwezo mkubwa alionao baada ya kucheza dakiki 348 bila kuokota mpira nyavuni.

Amenukuliwa kocha wa The Cranes Bobby Williamson akisema

 “hilo lilikuwa ni lengo langu, hakika kimekazana mpaka limetimia"

 

Uganda na Kenya zitakutana katika mchezo wa fainali ya michuano hiyo kwa mara ya tatu tangu mwaka 2008. 

Amekaririwa mlinda mlango Muwonge akisema

“tuna kikosi chenye wachezaji wenye uwezo wa kufunga na kutengeneza nafasi ni matumaini tutashinda mchezo wa fainali jumapili na kujilinda tusitie doa rekodi yetu” 

Muwonge analindwa na walinzi kama Guma Denis, Walusimbi Geoffrey, Isaac Inside na Henry Kalungi ambao watataka kulinda goli lao lisichafuke.Uganda imetinga fainali za chalenji mara 18, na kupoteza fainali 5 huku ikitwaa taji mara 12 mara ya mwisho kupoteza mchezo wa fainali ilikuwa ni mwaka 1995 mbele ya Zanzibar.