David Luiz kubadilishwa na Mario Mandzukic huku Barca nao wakiingia vitani

David Luiz

Barcelona inajipanga kwa nguvu zote kuingia katika kinyang'anyiro cha kumsajili David Luiz anaye waniwa pia na klabu ya Bayern Munich, huku Bavarian wakitaka kumtoa Mario Mandzukic kueleka Chelsea kwa minajili ya kubadilishana wachezaji, hii ni ikiwa ni kwa mujibu wa taarifa kutoka nchini Ujerumani.

Hatma ya Luiz ndani ya Stamford Bridge iko mashakani baada ya kushindwa kulinda nafasi yake katika kikosi cha kwanza chini ya mreno Jose Mourinho, katika nafasi ya mlinzi wa kati na hata katika nafasi ya kiungo wa nyuma.

Barca wanafahamika wazi kumtamani Mbrazil huyo lakini licha ya kuarifiwa kuweka ofa ya pauni milioni £32, lakini pengine huenda wakazidiwa ubavu na meneja wao wa zamani Pep Guardiola wa Bayern ambaye anataka kubadilishana na kiungo Mandzukic hizi zikiwa ni taarifa zilizoripotiwa na gazeti la Bild.

Chelsea inasaka namna na kuimarisha eneo lake la ushambuliaji wakati wa kiangazi kufuatia maoni ya mara kwa mara ya Jose Mourinho kuwa hafurahishwi na washambuliaji wake.

Mario Mandzukic

Nukuu yake ya hivi karibuni inaweka hatma ya washambuliaji wake Fernando Torres, Demba Ba na Samuel Eto’o katika mashaka makubwa.

Inaaminika kuwa Chelsea tayari imekubali mpango wa kumchukua mshambuliaji wa Atletico Madrid Diego Costa, ambao unatarajiwa kutangazwa mwezi ujao lakini Mourinho huenda asiishie hapo katika kuhakikisha analipokonya taji la ligi ya England kutoka kwa Manchester City msimu ujao.

Mandzukic inaaminika kuwa anataka sana kujiunga na 'The Blues', ambao wanaweza kudhani kuwa mpango huo kumuhusisha Luiz ni kama jibu sahihi.