Gareth Bale anasema Cristiano Ronaldo ni 'Great man'

Gareth Bale anaamini kuwa mshambuliaji mwenzake wa Real Madrid Cristiano Ronaldo hafahamiki vema akidai kuwa mreno huyo ni “great man” nje ya uwanja.

Bale alijiunga na Real kwa uhamisho wa ada ya karaha ya pouni milioni £86 akitokea Tottenham msimu uliopita ambao ulivunja rekodi ya uhamisho wa pauni £80 ambayo Madrid ililipa Manchester United kunasa huduma ya Ronaldo.

Hata hivyo raia huyo wa Wells amesisitiza kuwa mshambuliaji mwenzake huyo amefanya kila kinachowezekana kumfanya yeye kujisikia kuwa yuko nyumbani nchini Hispania na amempongeza akisema ni tabia ya kipekee na kufurahia.

Katika mahojiano maalum na BT Sport, Bale amesema 

“Nadhani tangu nakanyaga ndani ya Real Madrid amekuwa wa kipekee kwangu. Amekuwa akinipa ushauri ndani na nje ya uwanja kuhusu mpira mpira na hata mengine yasiyo husu mpira na amekuwa akinipa mawazo wapi kwa kuishi na mambo kama hayo.

“Ni mtu mzuri, mwenye msaada na mara zote amekuwa akitaka ubora katika timu na watu wamekuwa wakimuandika na watu wanaomjua wanafahamu kuwa yeye ni mtu mkubwa katika soka la hali ya juu”

Bale alijiunga na Luka Modric jijini Madrid, mchezaji mwenzake wa zamani wa Tottenham, ambapo mchezaji huyo wa kimataifa wa Wales ameongeza kuwa kukutana na M-Croatia huyo katika chumba cha kubadilishia nguo kumemsaidia sana kupata utulivu ndani ya Bernabeu.