KIMATAIFA:Tevez apigwa marufuku kuendesha gari. Ramalho: Guardiola hastahili kuwa kocha wa Brazil. Giroud: Itakuwa fahari kucheza na Henry katika klabu ya Arsenal na Manchester City ikimtaka Halilovic basi ilipe si chini ya euro milioni 11..

 Tevez apigwa marufuku kuendesha gari.

Mshambuliaji wa Manchester City Carlos Tevez amepigwa marufuku kuendesha gari baada ya kukamatwa na kubainika kuwa mnamo mwezi machi alikuwa katika mwendo kasi akielekea maeneo ya Morecambe.

Maamuzi hayo yamekuja wiki mbili baada ya gari lake kuondoshwa barabarani kutokana na kushindwa  kutengeneza leseni kamili ya kuendesha gari nchini Uingereza.

Kwasasa anakabiliwa na adhabu mbili tofauti baada ya kupigwa faini sita licha ya mwanasheria wake Glyn Lewis kudai kwamba mteja wake hakuwa dereva wakati wa tukio alielekea katika mchezo dhidi ya Morecambe mapema mwaka huu.

Ramalho: Guardiola hastahili kuwa kocha wa Brazil.

Kocha wa klabu ya Santos Muricy Ramalho amesema  Pep Guardiola si mtu sahihi kurithi nafasi ya Mano Menezes.

Bosi wa zamani wa Barcelona Guardiola ameripotiwa kuwa huenda akapewa kazi ya kukinoa kikosi cha Brazil na kuingoza kuelekea kwenye fainali za kombe la dunia mwaka 2014, lakini Ramalho anaamini kumuajiri kocha wa kigeni itakuwa ni kosa.

"Guardiola ni kocha mkubwa, lakini haujui utamaduni wa Brazilian"

"Brazil imeshinda makombe ya dunia na mara kadhaa imekuwa ikifanya hivyo ikiwa na kocha wa kibrazili .

"makocha wazalendo kama Luiz Felipe Scolari Felipao, Tite, Abel Braga na mimi mwenyewe tunapaswa kuheshimiwa."

Romanho mwenye umri wa miaka 56 ametokea kuwa ni mtu wa mapema kufikiriwa kupewa kazi hiyo kama kocha mzalendo.

Giroud: Itakuwa fahari kucheza na Henry katika klabu ya  Arsenal.

 Mshambuliaji wa Arsenal Olivier Giroud amesema si vema yeye kuzungumzia juu ya uwezekano wa uhamisho wa mkopo kwa mshambuliaji wa New York Red Bulls Thierry Henry kurudi Arsenal mwezi January, lakini amesema itakuwa furaha kubwa kucheza pamoja naye.

Henry mwenye umri wa miaka 35 alirejea katika klabu yake ya zamani kwa mpango wa muda mfupi wa miezi miwili na kufunga magoli mawili katika jumla ya michezo saba aliyoichezea klabu yake hiyo ya zamani  jambo ambalo Arsene Wenger amedokeza kurudia tena msimu licha ya ligi ya mkurugenzi wa michezo wa ligi ya Marekani MLS Andy Roxburgh akitishia kuzuia uhamisho wa aina hiyo.

Pamoja na Giroud kuonekana kupendelea hilo kutokea na kujifunza kutoka kwa mfaransa huyo mwenzake baada ya kuendelea kuimarisha kiwango chake, bado ameonekana kuwa katika kiwango kizuri baada ya kufunga magoli manne katika michezo mitano aliyocheza hivi karibuni.

Manchester City ikimtaka Halilovic basi ilipe si chini ya euro milioni 11.

 Mkurugenzi wa michezo wa Dinamo Zagreb Zoran Mamic has amesisitiza kuwa hakuna makubaliano yaliyofikiwa baina ya Zagreb na Manchester City kwa ajili ya kumuuza  Alen Halilovic na kusema kuwa endapo mabingwa hao wa ligi kuu ya nchini England watataka kweli mchezaji huyo basi watalazimika kulipa si chini ya euro milioni 11.

Halilovic  ambaye amepachikwa jina la kiutani kama ‘Balkan Messi’  ni zao la kituo cha vijana ambacho huko nyuma kilizalisha wakali wengine kama Luka Modric, Vedran Corluka na Niko Kranjcar.

Wakati taarifa zikiripoti kuwa kinda huyo mwenye umri wa miaka 16 anatakiwa kuelekea Etihad Stadium, Mamic ametania kwa kusema City itakuwa ni timu yenye bahati kubwa kumpata kijana huyo kwa ada ya uhamisho ya euro milioni 11.

Amekaririwa akisema,

“hakuna mpango kama huo na Manchester City”

“hatuwezi kuzungumzia kitu ambacho hakipo. Lakini kiasi kilichotajwa na vyombo vya habari vya England cha euro milioni 11 hatutaweza kumuuza mchezaji wetu”