LIGI KUU TANZANIA BARA :MTIBWA NAYE YUMO MBIONI. AZAM SWAFI HUKU COAST UNIONI AKIENDELEA KUWA TISHIO.

Mshike mshike wa Ligi kuu ya soka Tanzania bara umeendelea tena hii leo kwa michezo mitatu kuchezwa katika viwanja vitatu tofauti.

Kule Manungu Mtibwa sugar baada ya kuichapa Simba katika mchezo uliopita hii kwa mara nyingine tena wamefanikiwa kuichapa JKT Ruvu kwa bao 1-0 matokeo ambayo yameifanya Mtibwa  kufikisha jumla ya alama 19.

Matokeo ya ushindi kwa Mtibwa hii leo yanaonyesha wazi kuwa mwendo wa Mtibwa katika ligi sasa unaridhisha, kwani wametengeneza tofauti ya alama 7 tu na kinara wa ligi hiyo Yanga wenye alama 26 jambo ambalo linaweza kuifanya Mtibwa kuwa ni miongoni mwa timu tano katika ligi kuu zenye mbio sawa katika mbio za taji.

Azam FC imezinduka hii leo baada ya kichapo cha mabao 2-0 toka kwa Yanga jumapili iliyopita na walikuwa wakicheza dhidi ya JKT Oljoro mchezo ulifanyika katika uwanja wa Azam Complex ambapo Azam imefanikiwa kuichapa Oljoro kwa bao 1-0 bao la Kipre Tcheche.

Nao Coast wakiwa katika dimba la Mkwakwani mkoani Tanga wamefanikiwa kuichapa Polisi Morogoro kwa bao 1-0 matokeo ambayo yameifanya timu hiyo kujiweka katika nafasi ya nne katika msimamo wa ligi baada ya kufikisha alama 22 alama ambazo zinaifanya timu hiyo kuwa vizuri katika msimamo wa ligi ikiwa imezidiwa alama nne na Yanga wanaongoza ligi hiyo.