STEPHEN KESHI ABADILI MSIMAMO WAKE WA KUJIUZULU TIMU YA TAIIFA NA INTER MILAN TAPIGWA FIANI KWA KUFUATIA MASHABIKI KUMBAGUA KWA RANGI.

 Stephen Keshi amebadili mawzo yake ya kujiuzulu kutoka katika nafasi ya ukocha timu ya taifa ya Nigeria ambapo sasa amesema kuwa ataendelea kuifundisha timu hiyo ambayo ni mabingwa wapya wa Afrika kufuatia mazungumzo yake na waziri wa michezo wan chi hiyo. Keshi ameiongoza  Super Eagles mpaka kutwa taji la Afrika jumapili kwa mara ya kwanza tangu katika kipindi cha miaka 19.

Hapo kabla Keshi kupitia redio Metro FM alisema kuwa atajiuzulu kazi yake baada ya kuipa mafanikio Nigeria.

Hata hivyo katika kipindi kisicho zidi masaa 24 Keshi amebadilisha mawazo yake kufuatia mazungumzo yake na waziri wa michezo wa Nigeria Boloaji Abdullah.

Inter Milan yapigwa faini kwa kumbagua Balotelli.

 Inter Milan imepigwa faini ya euro €15,000 kufuatia baadhi ya mashabiki wa klabu hiyo kushangilia kwa kuimba nyimbo zenye maneno ya kadhia ya kibaguzi wa rangi kwa mshambuliaji Mario Balotelli mwishoni mwa wiki iliyopita.

Balotelli mwenye umri wa miaka 22, aliondoka Nerazzurri na kujiunga na Manchester City miaka mitatu iliyopita na kujiunga tena na AC Milan mwezi uliopita uhamisho ambao umewaacha mashabiki wake wakikosa raha.

 Mashabiki wa Inter walionyesha hisia zao za mapenzi kwa Balotelli katika mchezo wa jumapili ambao Inter iliibuka na ushindi dhidi ya Chievo mchezo uliopigwa uwanja wa San Siro lakini wengine wakionekana kushangilia kwa maneno ya kibaguzi kiasi kupelekea klabu hiyo kuadhibiwa kutokana na tabia iliyoonyeshwa na mashabiki wake.

Taarifa ya mtandao wa Lega Calcio ( Chombo kinachosimamia ligi ya Italia) imesomeka kuwa

"Faini ya EURO €15,000 imetolewa kwa Inter Milan kwa kuwa na mashabiki ambao katika muda wa dakika 41 za kipindi cha kwanza na dakika 42 za kipindi cha pili yalisikika maneno yakielekezwa kwa mchezaji huyo ambayo yalikuwa na lugha ya kibaguzi.

Rais wa Inter Massimo Moratti baadaye aliibuka na kukemea aina hiyo ya ushangiliaji na kuelezea matumaini yake kuwa Balotelli hatalengwa tena na aina hiyo ya kibaguzi katika mchezo wa Milan derby mwishoni mwaa mwezi February.

"Nimeambiwa juu ya hilo kwakuwa sikuweza kuelewa vizuri walikuwa wanasema nini, samahani kwa hilo"