MARIO BALOTELLI AWACHANA LIVE ARSENAL KUHUSU POSHO YAKE YA MWAKA

 Balotelli akiwa na mpenzi wake Fanny Neguesha walipokuwa katika duka la vifaa vya michezo la Puma

Balotelli anatarajiwa kuelekea katika klabu yake ya AC Milan kwa maandalizi ya msimu nchini Marekani

Mario Balotelli anataka pauni milioni £5 kwa mwaka nje ya makato ya kodi kama Arsenal wanataka ajiunge nao msimu wa usajili wa kiangazi.

The Gunners wameonyesha nia kwa mshambuliaji huyu wa kimataifa wa Italia baada ya kuwepo fununu kuwa klabu yake ya AC Milan iko tayari kumuuza.

Arsenal ni kama wameingiwa na baridi ya kuendelea na Balotelli kufuatia kuwepo na maendeleo mazuri katika mpango wao wa kumsajili Loic Remy lakini pia inaonekana mpango wa kumsajili mshambuliaji huyo wa Queens Park Rangers unaonekana kukwama kutokana na mshahara anao hitaji mshambuliaji huyo.

Kwasasa washika mitutu ni kama wameanza tena kuamsha mpango wa  Balotelli lakini pia na hilo linakumbwa na kigagaziko kutokana na mshahara mkubwa unaotakiwa na Balotelli.
Klabu hiyo ya London ya kaskazini imekaririwa ikisema kuwa wana uwezo wa kumlipa kwa wiki pauni £100,000.

Balotelli akishangilia goli aliloifungia Italia dhidi ya England katika fainali za kombe la dunia hatua ya makundi

Nyota wa zamani wa Man City Balotelli (kushoto) amekuwa akihusishwa na kujiunga na Arsenal

Mshambuliaji huyo wa zamani wa Manchester City yuko Marekani akiwa na mpenzi wake Fanny Neguesha, akimalizia mapumziko yake ya baada ya fainali ya kombe la dunia.

Balotelli akitupia picha akiwa na mpenzi wake Neguesha nje ya jengo la Empire.