MINZIRO KUKAIMU NAFASI YA THOM SAINTFIET ALIYETIMULIWA JANGWANI.

Makamu mwenyekiti wa Yanga Clement Sanga akitibitisha kumufukuza kazi kocha mbelgiji Thom Saintfiet.

Hatimaye uongozi wa klabu bingwa Afrika mashariki na kati  Yanga, umethibitisha kumuondoa kazi kocha mkuu wa klabu Thom Saintfiet kwa kukatisha mkataba wake kwa kile kilichoolezwa kuwa ni kwenda kinyume na maagizo ya mwajiri wake.

Akiongea na waandishi wa habari makamu mwenyekiti wa klabu hiyo kongwe hapa nchini Clement Sanga, amesema uongozi wa Yanga haukuridhishwa na hatua ya kocha huyo kuirejesha timu Dar es Salaam mara baada ya mchezo wao wa kwanza uliofanyika mkoani Mbeya dhidi ya Tanzania Prisons.

Jana usiku kiliitishwa kikao cha viongozi wa juu wa Yanga na kocha Thom, kujadiliana juu ya mwenendo mbaya wa kimatokeo wa timu hiyo ambayo mpaka sasa Yanga ina point moja baada ya kushuka dimbani mara mbili.

Thom Saintfiet akipokewa kama mfalme alipowasili

Kikao hicho kilikumbwa na mzozo kufuatia kocha Thom kuonyesha msimamo wake kwa yale anayo yataka pamoja na kujitetea kufuatia matokeo mabaya ya kwenda sare ya bila kufungana na Prisons na kufungwa mabao 3-0 na Mtibwa.

Kilicho pelekea maamuzi hayo magumu ni suala la kubwatukiana na mwenyekiti wake Yusufu Manji ambaye naye kwa mamlaka yake aliamua kumfukuza katika kikao na uongozi kuendelea na kikao chao ambacho kilitoka na maamuzi ya kumkatisha mkataba wake. 

Taarifa zinasema kocha huyo alilazimisha kurejea Dar es Salaam wakati kwa kujibu wa program ya klabu ni kuwa alipaswa kuipeleka timu mkoani Morogoro siku mbili kabla ya mchezo wao dhidi ya Mtibwa kujiandaa na mchezo huo jambo ambalo lingepunguza uchovu kwa wachezaji ambao unatokana na safari.

Sanga amesema kitendo cha kukaidi agizo hilo ni kwenda kinyume na maagizo ya uongozi ambao ndio mwajiri wake.

Sababu nyingine ambayo imetolewa na Sanga ni kuwa kocha huyo aliwaruhusu wachezaji kutoka usiku kwenda kwenye majumba ya starehe baada ya kumaliza mchezo wao dhidi Tanzania Prisons, jambo ambalo amesema ni kwenda kinyume na taratibu za kambi na pengine kuendelea kusababisha matokeo mabaya kwa Yanga.

Sababu nyingine ni kuwa kocha huyo alikuwa akitaka timu isikae kambini isipokuwa wachezaji wawe wanakusanyika siku tatu kabla ya mchezo.

Clement Sanga amemtangaza Fred Felix Minziro aliyekuwa kocha msaidizi sasa kukaimu nafasi ya Thom Saintrfiet kuanzia hii leo mapaka hapo atakapo patikana kocha mwingine.

Mkurugenzi mpya wa fedha Yanga Denis Oundo

Katika hatua nyingine makamu mwenyekiti huyo wa Yanga amemtaja Laurence Mwalusako kuwa kaimu katibu mtendaji wa Yanga katika kipindi hiki na pia  amemtangaza Denis Oundo kuwa mkurugenzi wa fedha.