FA yathibitisha unahodha wa Rooney mchezo wa England dhidi ya San Marino na Torres: Mata hana raha kutokuitwa kikosi cha Hispania.

Wayne Rooney amethibitshwa kuwa nahodha wa England katika mchezo wa ijumaa kuwania kufuzu kombe la dunia dhidi ya San Marino mchezo utakao chezwa katika dimba la Wembley Stadium.

 

Kocha wa timu ya taifa ya England Roy Hodson pamoja na chama cha soka nchini humo wamesema nyota huyo wa Manchester United ataongoza kikosi cha simba watatu kufuatia kukosekana kwa nahodha ‘skipper’ Steven Gerrard ambaye ana adhabu ya kusimama mchezo mmoja iliyotokana na mchezo dhidi ya Ukraine lakini pia nahodha msaidizi Frank Lampard akisumbuliwa na matatizo ya paja aliyoyapata katika mchezo wa Chelsea dhidi ya Norwich City jumamosi.

Akinukuliwa katika mkutano na waandishi wa habati Rooney amesema

"ni heshima kubwa, ni kitu ambacho kiukweli najivunia na ni changamoto kubwa kwangu mbali na ukweli kwamba ni kitu nakitaka katika siku zijazo. Naamini tuataibuka na ushindi"

Akielezea juu ya maamuzi hayo Hodgson amesema,

"ninafuraha kwa kuwa Rooney atapatikana katika mchezo huo. Nafurahia kufanya kazi na Wayne, tumekuwa na mashindano mazuri ya Ulaya na Rooney, nilihuzunika alipokosekana katika michezo ya mwezi September lakini nafurahia amerejea "

Ni miaka mitatu imepita tangu Rooney kuongoza kikosi cha England ambapo mara ya mwisho kufanya hivyo ilikuwa katika mchezo wa kirafiki dhidi ya Brazil mjini Doha November, 2009, ambapo katika mchezo huo simba watatu walipoteza kwa kufungwa bao 1-0.

JUAN MATA AMSIKITISHA TORRES

Fernando Torres ametanabaisha kuwa Juan Mata amekuwa si mtu mwenye furaha kufuatia kuachwa katika kikosi cha timu ya taifa ya Hispania.

Nyata huyo wa zamani wa  Valencia amekuwa katika kiwango safi akiwa na timu yake ya Chelsea msimu huu, huku Torres akiamini Mata ni mchezaji muhimu katika kikosi cha Hispania ‘La Roja boss’  cha kocha Vicente del Bosque.

Amenukuliwa Torres akisema

"Mata hana raha baada ya kuachwa katika timu ya taifa lakini anacheza vizuri. Siwezi kusema sana kuhusu yeye kwasababu sitaki kuonekana namsemea "

Torres pia amesisitiza kuwa mabingwa hao wa dunia na Ulaya watakuwa na kazi kubwa katika mchezo wa group I  dhidi ya France mchezo utakao pigwa jumanne lakini pia wakiwa katika maandalizi ya mchezo wao wa Ijumaa dhidi ya Belarus.