WENGER: KUUMIA KWA DIABY NI PIGO KUBWA.

Meneja wa Arsenal, Arsene Wenger amesema kumpoteza Abou Diaby kutokana na majeraha aliyoyapata ni pigo kubwa.

Kiungo huyo mfararansa huyo alipatwa na matatizo ya msuli wa paja katika mchezo ambao timu yake ilipokea kichapo cha mabao 2-1 toka kwa Chelsea.

Kiungo huyo mwenye umri wa miaka 26 alikuwa katika kiwango safi msimu huu baada ya kukosekana kwa muda mrefu lakini sasa kutokana na majeraha aliyopata bila shaka atakuwa nje ya uwanja si chini ya wiki tatu.

Arsene Wenger anaamini Diaby alikuwa vizuri katika mchezo dhidi ya kikosi cha Roberto Di Matteo, na anaamini kikosi kingeibika na ushindi katika mchezo huo.

Amenukuliwa akisema,

"kumpoteza Diaby ni pigo kubwa, ndio. Si tu kwasababu tumepoteza mchezaji mzuri lakini alikuwa na ubora ambao wachezaji wengine hawana.

"kwa mfano jumamosi alipotoka na nafasi yake kuchukuliwa na Alex Oxlade-Chamberlain, tulikuwa tunapoteza mipira mingi.

"ilikuwa ni mipira ambayo Diaby angekuwa anaicheza kwasababu anaweza, ni mchezaji mwenye nguvu.

"kwa kweli inachanganya sana kwani ukipanga hivi linatokea lingine."

Licha ya kuwa na pengo hilo la sehemu ya kiungo, Wenger amewataja viungo wengine katika kikosi chake kuwa wataweza kufanya kazi iliyoachwa na Diaby.

Ameongeza kwa kusema,

"tunaye Aaron Ramsey, Francis Coquelin, Alex Oxlade-Chamberlain na Jack Wilshere. Itategemea kama tunataka kulinda zaidi ama la.

"Arteta anaweza kucheza sehemu ya mbele “higher and deeper” . Hivyo tunaweza kumuingiza mchezaji wa aina hiyo kama  Coquelin na pia Arteta wanaweza kusukuma mipira mbele."