SIR ALEX FERGUSON: VAN PERSIE NA ROONEY WANATISHA. Asisitiza kuwa Manchester United ni bora katika safu ya ushambuliaji kuliko safu ya kiungo na ulinzi.

 Meneja wa Manchester United Sir Alex Ferguson amejitapa kuwa washambuliaji wake Wayne Rooney na Robin van Persie ndio washambuliaji wakali kwa sasa baada ya kuunganisha nguvu zao na kuchomoza na ushindi dhidi ya CFR Cluj ya Romania, mchezo wa ligi ya mabingwa ulaya ulichezwa usiku wa kumkia leo.

 

Meneja huyo mkongwe mwenye umri wa miaka 70 alikuwa akiangalia namna vijana wake walivyofanikiwa kudhoofisha kikosi cha CFR Cluj ya Romania ambacho kilipata bao la uongozi kupitia kwa Pantelis Kapetanos kwa goli la mapema na la kushtukiza.

Hata hivyo United ilirudi mchezoni huku Rooney akitoa pasi za mwisho mara mbili kwa Van Persie na kuhakikisha United ikiondoka pande za Transylvania ikiwa na points zote tatu muhimu katika kipindi ambacho mashetani wekundu wakionekana wakiwa na matatizo katika sehemu ya kiungo na ulinzi lakini ushambuliaji wakiwa wanatisha.

Akinukuliwa na kituo cha television cha ITV amesema,

"ubora wa kikosi uko mbele ITV, wanapasiana na wanafunga wote walikuwa vizuri. Ni umaliziaji mzuri na ule ulikuwa mpira mzuri Wayne kamdondoshea Persie. Nadhani ulikuwa mpira mzuri."

Hata hivyo Sir Alex amekataa kusema kama hiyo ndio wachezaji wake pacha katika sehemu ya ushambuliaji na badala yake amesema katika kikosi chake kunawachezaji wengi wakubadilishana kucheza.