Vidic kuondoka United muhula huu

Nahodha wa Manchester United, Nemanja Vidic, amedhibitisha ataondoka timu hiyo mwishoni wa musimu huu huku akidhamiria tangazo hilo litasitisha uvumi kuhusu hatima yake.

“Nimeamua nitasonga pengine mwisho wa musimu huu,” alisema kwenye taarifa iliyochapishwa katika tovuti rasmi la timu hiyo.

“Huu ndio mwaka wa mwisho wa kandarasi yangu na nimefurahia miaka nane ya ufanisi hapa.”

Ripoti za vyombo vya habari Uingereza zilizua tetesi kuwa kinara huyo hajawasilishiwa ombi la kuongezewa muda Old Trafford huku Vidic akisisitiza hataki kuchezea klabu kingine taifa hilo.

“Nataka kujipatia changamoto tofauti na kujaribu kujiboresha miaka inayofuatia. Sitazamii kuishi Uingereza kwani United ndiyo timu pekee nilitamani kuchezea hapa na nina bahati kuwa sehemu ya klabu hiki kwa miaka mingi,” alifafanua.

“Nimepata chaguo kadhaa na nitaona ni wapi kunakofaa kwangu na jamii yangu kwenda,” mlinda ngome huyo wa Serbia ambaye amehusishwa na kuhamia magwiji wa Italia, Inter Milan, aliongeza.

Kulingana na kanuni za Bosman, Vidic yuko huru kuzungumza na vilabu nje ya Uingereza.

Vidic aliwasili Old Trafford 2005 kwa dhamani ya pauni milioni saba za Uingereza kutoka Spartak Moscow na muhula uliopita, aliongoza United kunyakua taji la kihistoria la 20 kabla ya mwalimu wake wa awali, Sir Alex Ferguson, kustaafu.