Per afurahishwa na Henry na Podolski

Per Mertesacker anaamini uzuri wa ushambuliaji wa Thierry Henry na Lukas Podolski utakidhi mahitaji halisi ya Arsenal mwezi January.

Mertesacker ameelezea jinsi gani anavyowazimia wachezaji hao wakati huu ambapo meneja wa Arsenal Arsene Wenger anaendelea na harakati za uhamisho wa mkopo wa nahodha wake wa zamani Henry ambaye amekuwa katika mazoezi na kikosi hicho jijini London.

Henry hatarajii kurejea katika kikosi chake cha sasa cha New York Red Bulls ya nchini Marekani mpaka mwezi March na taarifa katika vyombo vingi vya habari nchini Uingereza zinadai mkataba wa miezi miwili tayari umefanikiwa.

Anasema Mertesacker

"Henry anamauzoefu sana na amekuwa ni mtu mwenye fursa kubwa kwetu lakini mimi si meneja na sijui nini kinawezekana kwake au kwetu"

Mertesacker anaendelea kwa kusema

"katika mazoezi , Henry anaonyesha daraja lake la soka na ni mzuri ni bora kuwa naye. Bado yuko na mwenendo ule ule alionyesha katika michezo mingi ya Arsenal."

Mertesacker mwenye umri wa miaka 27 alijiunga na Arsenal kiangazi na sasa amejiimarisha katika Premier League. Anadhani Podolski mwenye umri wa miaka 26 ana weza kuleta hali hiyo hiyo.

"kwakweli nimeongea naye kwenye simu ana nguvu mchezaji mkubwa hususani katika timu ya taifa" Mertesacker akimzungumzia Podolski. Mguu wake wa kushoto huwezi kuamini na mimi ni shabiki wake , ligi ya Premier League ina tofauti kidogo na Bundesliga, lakini anaweza kufanya kila kitu."