KIMATAIFA: Kiungo wa Manchester United Kagawa nje mwezi mmoja, Manchester United yarejesha haki ya udhamini wa vifaa vya mazoezi, UEFA yafanya mabadiliko draw ya ligi ya mabingwa na Europa League hatua ya mtoano, Pique: Barcelona inataka kurejesha mafanikio ya Wembley na Casillas na Xavi watuzwa.

Kiungo wa Manchester United Kagawa nje mwezi mmoja.

Shinji Kagawa

Meneja wa wa Manchester United Sir Alex Ferguson ametanabaisha kuwa kiungo wake Shinji Kagawa atakuwa nje ya uwanja kwa karibu mwezi mmoja kutokana na kusumbuliwa na mguu.

Kiungo huyo wa kimataifa wa Japan alitolewa nje wakati wa mapumziko katika mchezo wa ligi ya mabingwa Ulaya ambapo United iliichapa Braga kwa mabao 3-2 mchezo uliochezwa jumanne.

Kagawa sasa atakosekana katika mchezo wa darajani dhidi ya Chelsea, pamoja na mchezo dhidi ya Arsenal utakao pigwa Nov. 3 lakini vilevile kuna wasiwasi wa kukosekana katika mchezo wa ligi ya mabingwa nchini Uturuki dhidi ya Galatasaray siku 17 baadaye.

Amenukuliwa Ferguson akisema,

"ni maumivu ya mguu kama yaliyowahi kumsumbua Ashley Young "

 "atakuwa nje ya uwanja kwa wiki tatu mpaka nne. Kucheza na maumivu haitamsaidia kulingana na hali yake"

Kagawa ameanza vizuri kazi yake akiwa Old Trafford, akifunga mabao mawili katika michezo sita ya ligi kuu, na atatakiwa kuwa amepona kuelekea katika mchezo wa upinzani mkubwa yaani “Manchester derby” utakaopigwa Disemba 9.

Licha ya Chris Smalling kurejea lakini bado mzee Ferguson hajasema lolote juu ya hilo ambapo anatazamiwa kurejea na kujenga ukuta mgumu kwa kushirikiana na Phil Jones ndani ya siku kumi.

Manchester United yarejesha haki ya udhamini wa vifaa vya mazoezi kwa DHL.

Wamiliki wa Manchester United, kundi maarufu la  ‘Glazer family’ wametangaza maamuzi ya kurejesha haki ya udhamini wa vifaa vya mazoezi kwa kampuni ya DHL.  

United iliingia makubaliano ya pauni milioni 40 na kampuni ya usafirishaji ya DHL  mwaka 2010 yakiwa ni makubaliano ya kuwapa haki ya kudhamini vifaa vya mazoezi vya klabu hiyo, lakini sasa makubaliano hayo yamepiga hatua nyingine  kutokana na kile kinachoonekana kuwa huenda klabu hiyo ikapata mapato mazuri zaidi.

United iliingia makubaliano ya pauni milioni 40 na DHL mwaka 2010 kwa ajili ya udhamini wa vifaa vya mazoezi lakini imeamua kuchukua hatua kumalizia makubaliano mapema wakati huu wakifikiria kupata kipato zaidi kwingineko.

 

Taarifa ya wamiliki wa klabu hiyo iliyotolewa alhamisi imesema,

"makubaliano ya muhimu ya kuongeza thamani ya mkataba yamefikiwa na DHL, kama wadhamini wetu wa jezi pamoja na General Motors, yanatusogeza kuamini kwamba kutakuwepo na mipango mkakati ya kuongeza thamani ya haki hii"

Old Trafford imetangaza kuwa DHL ataendelea kuwa kama mdhamini wao katika mambo ya logistic kote duniani.

"tumekuwa na mazungumzo yenye mafanikio ya mapema juu ya vifaa vya mazoezi na DHL mpango ambao utaanza kazi 30 June, 2013. DHL pia wataendea kama wadhamini wetu wa mambo ya logistics duniani”.

Moja ya sababu iliyoelezewa na kundi hilo ni kuwa udhamni wa hivi karibuni wa T-shirt kutoka kwa General Motors, ni kwamba kampuni hiyo itaweza kulipa kiwango kikubwa cha pesa na kuvunja rikodi ya dunia kwa zaidi ya pauni milioni 500 inayolipwa na AON mwaka 2014.

UEFA yafanya mabadiliko draw ya ligi ya mabingwa na  Europa League hatua ya mtoano.

 Shirikisho la soka barani Ulaya (UEFA) limeamua kurekebisha tarehe ya upangwaji wa michezo ya hatua ya mtoano ya ligi ya mabingwa na Europa League.

Hapo kabla tukio hilo lilikuwa limepangwa kufanyika Disemba 14, lakini sasa limeahirishwa kwa siku sita kutokana na sababu zisizo julikana.

Taarifa ya EUFA kupitia mtandao wake imesomeka,

"tukio la kupanga michezo hatua ya mtoano kwa msimu wa 2012/13 kwanza ilikuwa imepangwa kufanyika  Disemba 14 lakini sasa litafanyika alhamisi disemba 20 katika ukumbi unaotambuliaka kama 

‘House of European Football’ mjini Nyon, nchini Switzerland,"

Hata hivyo taarifa hiyo imeweka wazi kuwa fainali ya michuano ya vilabu bingwa itafanyika katika dimba la Wembley May 25, 2013 wakati ambapo fainali ya Europa League itafanyika mjini Amsterdam ArenA siku 10 kabla ya fainali ya ligi ya mabingwa.

Pique: Barcelona inataka kurejesha mafanikio ya Wembley

Gerard Pique amesema kuwa ndoto ya Barcelona kutwaa taji la vilabu bingwa ulaya kwa mara ya tatu ni kubwa na kwamba watafanikiwa kutwaa kwa mara ya tatu ambapo itakuwa ni mara ya tano kutwaa taji hilo.

Huko nyuma Barca walitwaa taji hilo katika ardhi ya jiji la London katika miaka ya 1992 na 2011, na Pique anatarajia kurudisha historia.

"Wembley kuna maana sana kwa Barca. Ni uwanja muhimu. Klabu ilitwaa taji lake la kwanza pale ikiwa na Ronald Koeman dhidi ya Sampdoria na kutwaa lingine mwaka 2011,".

Casillas na Xavi watuzwa.

Nahodha wa Real Madrid Iker Casillas na kiungo wa Barcelona Xavi Hernandez kwa pamoja wamepokea tuzo ya heshima nchini Hispania ya “Principe de Asturias Award” ikiwa ni kutambua michango yao katika kufanikisha mafanikio ya soka katika timu ya taifa ya Hispania.

Casillas, ambaye kwasasa ana umri wa miaka 31, amesema amefurahia tuzo hiyo aliyokabidhiwa kwa pamoja na kiungo Xavi, ambaye wamekuwa pamoja katika timu ya taifa wakianzia timu ya taifa ya vijana wenye umri chini ya miaka 20 ambapo walishiriki michuano ya kombe la dunia ya umri huo nchini Nigeria mwaka 1999.

Amenukuliwa akisema,

"nadhani mimi na Xavi tumepokea tuzo hii ikiwa ni ishara ya ukomavu wetu katika soka ambapo tumekuwa tukifanya na kufanikisha mambo makubwa tukiwa katika timu moja"

Washindi hao walitangazwa mwezi uliopita ambapo Xavi mwenye umri wa miaka 32, amesema yeye na Casillas ambaye anachezea klabu pinzani ya Barcelona kwa pamoja wakiwa katika timu ya taifa wametwaa  Euro 2008, kombe la dunia 2010 na vilevile Euro 2012 na kwamba hiyo ni ishara ya mafanikio katika maisha ya uchezaji wao wanapokuwa pamoja.