Inter yampiga marufuku Sneijder kwenye mtandao wa Twitter, Juventus wanamtaka Lewandowski, Real Madrid ndiyo klabu yenye academy ya mafanikio ulaya nzima na Cavani: Nataka kuvunja rekodi ya Maradona Napoli..

Inter yampiga marufuku Sneijder kuchati kwenye mtandao wa Twitter.

Klabu ya Inter Milan ya Italia imempiga marufuku kiungo wake Wesley kutumia mtandao wa kijamii wa Twitter.

 Kiungo huyo wa kimataifa wa Uholanzi amekuwa akitumia mtandao huo wa kijamii kuwasiliana kwa muda mrefu na watu zaidi ya milioni moja licha ya kwamba hajakutana na jambo lolote baya la kimtandao.

Mke wa kiungo huyo ameandika kupitia mtandao wa twitter kuwa mumewe si muda mrefu ataacha kuchati kwa kutumia mtandao huo.

Ameandika mtandaoni kuwa,

“muwe wangu @sneijder101010 si muda mrefu ataacha kuandika kwenye mtandao wa Twitter,”.

“haya ni maamuzi ya klabu yake. Wamesema kuwa amekuwa hana msaada tena na timu. Nasikitika kwasababu amekuwa akijituma kwa ajili ya timu kwa moyo wake wote.

 “siyo kawaida lakini hakuna tabu. Tusubiri tuone jinsi atakavyo rejesha morari ya ushindi katika klabu yake.”

Sneijder amekuwa nje ya uwanja kwa muda sasa akisumbuliwa na msuli mamumivu aliyoyapata katika mchezo dhidi ya Chievo mwezi Septemba.

 

Juventus wanamtaka Lewandowski

Mabingwa wa soka nchini Italia Juventus imejiweka katika mkao wa kumnasa Robert Lewandowsky licha ya kwamba itawagharimu mapesa mengi kunasa saini yake.

Mshambuliaji huyo wa Borussia Dortmund ameendelea kuwa muhimu katika klabu hiyo ya nchini Ujerumani tangu ajiunge nayo mwaka 2012 akitokea Lech Poznan na kiwango chake hakijashuka tangu wakati huo akiwa nchini Italia.

Juve ilimtuma kijumbe wake kumfuata mshambuliaji huyo katika mchezo ambao Dortmund ilikwenda sare ya bao 2-2 dhidi ya Real Madrid jumanne iliyopita ambapo Lewandowski hakuwa katika kiwango kizuri katika mchezo huo kiasi cha kumridhisha kijumbe huyo.

Hata hivyo ni kwamba mshambuliaji huyo mwenye umri wa miaka 24 si kwamba atapatikana kwa bei ya chini endapo Juventus watakuwa tayari kutaka huduma yake.

Dortmund haina mpango wa kumuweka sokoni Lewandowski, lakini huenda kama ofa ya klabu hiyo itafikia euro milioni €35 basi inaweza kumshawishi mchezaji huyo kuondoka katika klabu yake ya sasa.

Nyota huyo wa kimataifa wa Poland kwasasa ana mkataba na Signal Iduna Park mpaka June 2014 lakini pia huenda klabu yake ikamuongezea muda wa kuendelea kusalia katika klabu hiyo.

Real Madrid ndiyo klabu yenye academy ya mafanikio ulaya nzima.

Mlinzi wa zamani wa Real Madrid Francisco Pavon amesema kuwa Real Madrid ndiyo klabu yenye mfumo mzuri katika kujenga vijana kuliko kituo chochote cha kujenga vijana kikiwemo kile cha Barcelona cha ‘La Masia’.

Kauli ya Pavon imekuja baada ya hivi karibuni kuibuka ukosoaji mkubwa kufuatia Santiago Bernabeu kusitisha kuchukua wachezaji kutoka katika Academy yao, lakini  Pavon ambaye ni zao la academy hiyo akipinga ukosoaji huo.

Amenukuliwa akisema,

"kila mtu anataka kuongelea juu ya academy hii, mimi naamini kuwa academy ya Madrid ndio bora nchini Hispania na ulaya nzima kwa ujumla"

Pavon pia amejibu kauli ya mkurugenzi wa Andoni Zubizarreta aliyesema kuwa Madrid inaogopa kutimiza ahadi yao kwa vijana.

Cavani: Nataka kuvunja rekodi ya Maradona Napoli.

Edinson Cavani anaota ndoto ya kufikia na hata kuipita rikodi ya ufungaji mabao ya Diego Maradona aliyoweka katika katika klabu ya Napoli.

Mwasisi huyo wa soka duniani na nchini Argentina alifunga magoli 115 katika kipindi cha miaka saba alicho chezea klabu hiyo ambapo Cavani anasema atafikia rikodi ya mkongwe huyo muda si mrefu ambapo kwasasa mkongwe amefikisha umri wa miaka 52.

Cavani nyota wa zamani wa Palermo alifunga magoli manne katika mchezo ambao Napoli ilishinda mabao 4-2 dhidi ya Dnipro Dnipropetrovsk hapo jana na kufikisha jumla ya mabao 79.

Amenukuiliwa akijiuliza kwa kusema,

"rikodi ya Maradona ya ufungaji? Naikaribia taratibu nitaifikia ".

Mshambuliaji huyo mwenye umri wa miaka 25 ameshafunga jumla ya mabao 13 katika michezo 13 aliyochezea timu yake msimu huu.