Kimataifa: Gotze: Nitampigia kura ya Ballon d’Or Lionel Messi na Alonso: Steven Gerrard anatosha kuchezea Hispania na Mancini anasema mchezo dhidi ya Ajax ndio nafasi ya mwisho kwa Manchester City. .

Mshambuliaji wa Borussia Dortmund Mario Gotze anadhani Lionel Messi anastahili kushinda tuzo ya FIFA ya Ballon d'Or kutokana na uwezo wake katika kipindi cha mwaka mzima wa 2012.

Mshambuliaji huyo wa kimataifa wa Argentina ameshinda mara mbili tuzo hiyo yenye heshima kubwa duniani lakini mara zote amekuwa akikabiliwa na ushindani mkubwa kutoka kwa mreno Cristiano Ronaldo mbali na wachezaji wengine katika kipindi hiki.

Kama hiyo haitoshi , Gotze amesisitiza kuwa nyota huyo wa Barcelona anastahili kushinda kwa mara ya tatu na kusema waziwazi kuwa atampigia kura mshambuliaji huyo mwenye umri wa miaka 25 kama atapewa nafasi ya kufanya hivyo.

Amenukuliwa akisema,

"nadhani Messi atashinda Ballon d'Or kwa mara nyingine tena. Nitampigia kura".

Mshambuliaji huyo wa kimataifa wa Ujerumani pia amegusia mchezo wao ujao wa ligi ya mabingwa ulaya katika kundi D mechi ya ugenini dhidi ya Real Madrid.

Amesema,

"kucheza Santiago Bernabeu ni kitu muhimu bila shaka naelekea huko kwa furaha kubwa".

"Madrid ni timu nzuri, kila mchezaji anaheshimika ninamatumaini mchezo utachezwa na kumalizika Bernabeu halafu tutaelekea Dortmund kurudiana.

"naona tutafuzu katika hatua hii ya makundi"

Alonso: Steven Gerrard anatosha kuchezea Hispania

Kiungo wa Real Madrid Xabi Alonso amempongeza nahodha wa Liverpool Steven Gerrard, akisema kama angezaliwa nchini Hispania basi angeichezea timu ya taifa ya nchi hiyo.

Kiungo huyo wa wekundu wa England jumapili alikamilisha mchezo wa 600 kwa timu yake yenye maskani yake pande za Merseyside na kukisaidia kikosi cha meneja Brendan Rodgers kwenda sare ya kufungana bao 1-1 na Newcastle mchezo uliofanyika Anfield.

Alonso ambaye aliwahi kucheza na kiungo huyo mzaliwa wa kitongoji cha Huyton kwa miaka mitano kati ya 2004 na 2009, anaamini kuwa Gerrard ana ubora unaofanana na akina Andres Iniesta, Xavi nay eye mwenyewe.

Amenukuliwa kupitia television ya klabu yake ya Real Madrid akisema,

"haina wasiwasi anaweza kuchezea timu yoyote ya taifa duniani kwasababu ana vitu vingi vya ubora wa mchezaji"

Mancini anasema mchezo dhidi ya Ajax ndio nafasi ya mwisho kwa Manchester City.

Bosi wa Manchester City Roberto Mancini ameeleza kuwa mchezo dhidi ya Ajax hii leo wa michuano ya ligi ya mabingwa ni nafasi ya mwisho kwa City kuendelea katika michuanoi hiyo ya vilabu barani ulaya.

Mabingwa hao wa soka nchini English tayari walikwisha kuadabishwa na vijana wa kocha Frank de Boer msimu huu lakini pia wakichapwa na Real Madrid na wakaenda sare dhidi ya Borussia Dortmund na sasa wakichungulia njia ya kutokea.

Lakini licha ya Joleon Lescott na James Milner kuungana na David Silva, Jack Rodwell  na Maicon katika orodha ya wachezaji majeruhi, Mancini anasisitiza kuwa wale wazima katika kikosi chake watafanya kazi ya kukabiliana na wapinzani wao usiku huu.

Anasema,

"tunawachezaji muhimu kadhaa ni majeruhi lakini kama una tatizo wengine inabidi wafanye juhudi uwanjani”

"hii ni nafasi ya mwisho kwetu"

Ameendelea kusema kikosi chake hakikuwa katika hali ya kimashindano ya ulaya huku akisema sababu kubwa ni kwamba huu ni mwaka wa pili klabu yake kuwa katika michuano mikubwa kama hiyo.