ROCKERSPORTS: NANI KUWA MREMBO WA AFRIKA MASHARIKI NA KATI LEO MLIMANI CITY.

Friday, December 21, 2012

NANI KUWA MREMBO WA AFRIKA MASHARIKI NA KATI LEO MLIMANI CITY.

WAREMBO AMBAO WAMEINGIA KWENYE MASHINDANO YA MISS EAST AFRICA 2012

Mwakilishi wa Tanzania ni Joceline Diana Maro (miaka 220

Katika shindano hilo warembo kutoka mataifa mbalimbali ya ukanda wa nchi za Afrika Mashariki na kati na baadhi ya nchi jirani na ukanda huu watachuana ambapo mshindi wa shindano hilo anatarajiwa kujinyakulia zawadi zenye thamani ya dola za Kimarekani elfu thelathini 30,000.

Guetano Kagwa ambaye anatarajiwa kuwa MCwa shindano hilo akizungumza na waandishi wa habari katika mkutano huo uliofanyika jana jijini Dar es salaam, kulia ni Rena Calist Mkurugenzi wa Miss East Africa.

Warembo wanaoshiriki katika shindano hilo wakiwa katika mkutano na waandishi wa habari leo jana.

Baadhi ya washiriki wa shindano hilo ni pamoja Jocelyne Diana Maro (22yrs) kutoka Tanzania,Elidas Ella Chirwa (22yrs)kutoka Malawi,Rahwa Afeworki (22yrs) kutoka Eritrea, Akuot Philip Suzan (20yrs) kutoka Sudan.

Wengine ni Ayisha Nagudi (23yrs) kutoka Uganda, Annabelle Marvel Pointe (19yrs)kutona Seychelles na Lula Teklehaimanot (19yrs) kutoka Ethiopia .

Taji la Miss East Africa linaloshikiliwa na mrembo kutoka Rwanda, Cyntia Akazuba, ndiye atakayemvika taji mshindi atakayetwaa taji hilo hii leo Ijumaa.

Mshindi wa kwanza atapata jumla ya dola za Kimarekani 30,000 pamoja na gari aina ya Mazda lenye thamani ya dola 15,000 na mkataba wa kufanya kazi na Oganaizesheni ya Miss East Africa wenye thamani ya dola 15,000.

Mshindi wa pili atapata zawadi zenye thamani ya dola 8,000 ikiwa ni pamoja na kitita cha dola 2,000 na mkataba wa kufanya kazi na Oganaizesheni ya Miss East Africa wenye thamani ya dola 6,000.

Mshindi wa tatu atapata zawadi zenye thamani ya dola 5,000 pamoja na fedha taslimu dola 1,500 na mkataba wa kufanya na Oganazesheni ya Miss East Africa wenye thamani ya dola 3,500.

Shindano hili la kimataifa linashirikisha warembo kutoka nchi za Tanzania (mwenyeji), Kenya, Uganda, Rwanda, Burundi, Somalia, Djibouti, Eritrea, Sudan, Ethiopia, Malawi, Seychelles na South Sudan; na warembo mbalimbali wa Afrika Mashariki walioshindana katika nchi mbalimbali za Ulaya ambazo ni Ubelgiji, Ufaransa na Uholanzi.

Mashindano ya Miss East Africa yanaandaliwa na kumilikiwa na Kampuni ya Rena Events Ltd ya jijini Dar es Salaam.