Manchester United: Nani asaini mkataba mpya wa miaka mitano na United

Winga wa Manchester United Luis Nani amesaini mkataba wa miaka mitano utakao mfanya asilie Old Traford mpaka Juni 2018.

Nani mwenye umri wa miaka 26 amefunga jumla ya magoli 40 katika jumla ya michezo 217 tangu ajiunge  na mabingwa wa ligi ya England United akitokea Sporting Lisbon ya Ureno mwaka 2007.

Katika kipindi chake cha miaka sita ndani ya klabu hiyo ameshinda mataji nane ikiwa ni pamoja na mataji manne ya ligi kuu Premier League na taji moja la ligi ya mabingwa Ulaya.

  Amenukuliwa akisema 

"Kucheza hapa United ni uzoefu wa aina yake kwangu. wakati nakuja katika klabu hii sikudhani juu ya mafanikio tuliyoyafurahia

Kulikuwa na tetesi kuwa huenda angeondoka katika klabu hiyo kufuatia kuanza katika kikosi cha kwanza kwa michezo saba tu ya ligi msimu wa 2012-13.

Licha ya kukosekana huko katika kikosi katika kipindi cha maandalizi ya msimu kufuatia kusumbuliwa na matatizo ya pua, Nani ameonekana kuvutiwa na meneja mpya wa United David Moyes kwa kumpa muda wa kuongeza katika mkataba wake ambapo mkataba wa sasa ulikuwa unatarajiwa kumalizika kiangazi ijayo.

Kwasasa yuko kibaruani na timu ya taifa ya Ureno ambao wana mchezo wa kuwani kufuzu kombe la dunia dhidi ya Ireland ya Kaskazini hapo kesho kabla ya mchezo wa kimataifa wa kirafikia dhidi ya Brazil Jumanne.