Kombe la mataifa ya Ulaya UEFA 2016

Kwa upande wa kikosi cha timu ya taifa ya Ujerumani kitaanza kusaka nafasi ya kushiriki katika fainali za kombe la mataifa ya Ulaya mwaka 2016 dhidi ya Scotland. Upangaji wa makundi ulifanywa jana Jumapili mjini Nice , unaonesha kuwa kikosi hicho cha kocha Joachim Loew kitakumbana na Poland Oktoba 14 na kisha kitakutana na Ireland nyumbani baadaye katika kundi D.

Timu nyingine katika kundi hilo ni kikosi kipya katika soka la Ulaya cha jimbo la Gibralter. 

Gibralter ilikubaliwa kuwa mwanachama mpya wa UEFA mwaka jana na ilibidi kubadilishwa kundi baada ya kupangwa katika kundi moja la C na Uhispania, nchi ambayo inadai kuwa jimbo hilo ni lake. Hatua hiyo inaziweka Uhispania na Uingereza katika mvutano mkubwa, ambapo nayo Uingereza inadai kuwa Gibralter ni jimbo lake.

Mchezo wa mwisho wa kufuzu kwa ajili ya fainali hizo zitakazofanyika nchini Ufaransa kuanzia Juni 10 hadi Julai 10 mwaka 2016 utakuwa Oktoba 8 , 2015 dhidi ya Irland na Oktober 11, 2015 dhidi ya Georgia. 

 Group A
Netherlands, Czech Republic, Turkey, Latvia, Iceland, Kazakhstan
Group B
Bosnia and Herzegovina, Belgium, Israel, Wales, Cyprus, Andorra
Group C
Spain, Ukraine, Slovakia, Belarus, Former Yugoslav Republic of Macedonia, Luxembourg
Group D
Germany, Republic of Ireland, Poland, Scotland, Georgia, Gibraltar
Group E
England, Switzerland, Slovenia, Estonia, Lithuania, San Marino
Group F
Greece, Hungary, Romania, Finland, Northern Ireland, Faroe Islands
Group G
Russia, Sweden, Austria, Montenegro, Moldova, Liechtenstein
Group H
Italy, Croatia, Norway, Bulgaria, Azerbaijan, Malta
Group I
Portugal, Denmark, Serbia, Armenia, Albania
Bye to finals (hosts): France

Kocha wa Ujerumani Joachim Loew

Kocha Joachim Loew alikuwa na haya ya kusema.

"Nafikiri , tukiangalia kwa upande wa kimichezo, ni hali ya kuvutia, lakini pia inagusa hali halisi, pamoja na shauku. Kwa Ireland na Scotland, hapa tunafahamu la kufanya, kwa kuwa tunajua jinsi timu hizi zinavyocheza.

  Kwa hiyo nafikiri ni kundi la kuvutia kwetu. Tumekuwa kila mara na kiwango, cha kuweza kushinda katika makundi na pia kufuzu kucheza katika fainali."

Kwa upande wa Gibralter nchi ambayo ina wakaazi 30,000 ni kibarua kigumu sana kuweza kufuzu kwa ajili ya fainali hizi zitakazokuwa na washiriki 24 mara hii nchini Ufaransa, lakini Gibralter ina shauku kushiriki katika zoezi hilo.