Usajili Kiangazi Arsenal: Anatoka Bacary Sagna anaingia Sebastian Jung wa Eintracht Frankfurt

Arsenal inakaribia kumsajili milinzi wa klabu ya Eintracht Frankfurt  Sebastian Jung kufuatia wakala wa mchezaji huyo kudai kuwa uhamisho kiangazi wa mchezaji huyo kujiunga na Gunners uko katika mpango mzuri.

Arsene Wenger amekuwa katika kusaka mlinzi mpya wa pembeni wa kulia wakati huu ambapo fununu za mlinzi wake Bacary Sagna kuweza kuondoka katika viunga vya  Emirates zikizidi kwa atakuwa akimaliza mkataba wake rasmi.

Licha ya kuhusishwa na kutaka wachezaji kama Lukasz Piszczek na Daryl Janmaat, Arsenal inaonekana kuwekea mkazo mpango wa kumchukua Jung mwenye umri wa miaka 23.

Kwa mujibu wa taarifa kutoka nchini Ujerumani ni kwamba Gunners wanapambana na mpango wa mlinzi huyo wa kushoto unaokadiriwa kufikia pauni milioni £7 huku wakala wa mlinzi huyo Mino Grillo akithibitisha kuwa mteja wake atakuwa akielekea London ya kaskazini.