Nafuu kwa Brendan Rodgers katika kikosi cha Liverpool Daniel Sturridge amerejea mazoezini kuonekana uwanjani Jumanne ijayo

Daniel Sturridge amerejea mazoezini  Jumatano wakati akiendelea kuponya majeraha yake polepole

Liverpool imeanza kupata nguvu mpya kufuatia Daniel Sturridge kurejea katika mazoezi mepesi katika uwanja wa mazoezi wa Melwood wakati akiendelea kuponya majeraha ya paja.

Mshambuliaji huyo wa kimataifa wa England amekuwa akitarajiwa kukosekana kwa wiki tatu baada ya kupata matatizo ya paja wakati akiwa katika majukumu ya kimataifa  lakini sasa anaonekana anarejea kuliko ilivyo tazamiwa.

Sturridge ameonekana akikimbia kwa kujiamini akigeuka na kukimbia na mpira wakati akifanya mazoezi binafsi asubuhi ya leo.

Mshambuliaji huyo alitazamiwa kurejea baada ya wiki tatu kufuatia maumivu ya paja akiwa na kikosi cha timu ya taifa ya England

Sturridge hakuitwa katika kikosi cha timu ya taifa ya England na kupelekea kukosekana katika mchezo wa kuwania kufuzu fainali za ulaya Switzerland

Meneja wa Liverpool Brendan Rodgers alichukizwa na kitendo cha Sturridge kutokupewa muda wa kutosha kuponya majeraha yake baada ya kuitumikia England kwa dakika 89 katika mchezo wa kirafikia wa ushindi wa bao 1-0 dhidi ya Norway

Bado meneja Brendan Rodgers ana hofu kumtumbukiza kikosini Sturridge mapema na huenda asiwepo kikosini Jumamosi dhidi ya West Ham katika mchezi wa Barclays Primier League.

Jumanne ijayo katika mchezo wa Capital One Cup dhidi ya Middlesbrough uwanja wa Anfield huenda akarejea kama ataendelea vizuri na kuponya majeraha hayo.

Kikosi kizima cha Liverpool hii leo kilikuwa katika mapumziko ya siku moja kufuatia ushindi wa bao 2-1 dhidi ya Ludogorets Razgrad katika mchezo wa ligi ya mabingwa Ulaya usiku wa Jumanne.

Sturridge akifanya mazoezi ya pekee uwanja wa mazoezi wa Melwood wakati kikosi kizima cha LIverpool kikila kuku baada ya ushindi wao wa bao 2-1 dhidi ya Ludogorets Razgrad katika ligi ya mabingwa Ulaya