SIMBA YAELEKEA TANGA BILA YA NGASA, OKWI NA REDONDO.

Mabingwa watetezi wa ligi kuu Tanzania Bara Simba ya jijini Dar es Salaam imeondoka jijini hii leo na kuelekea jijini Tanga kwa ajili ya mchezo wao wa raundi ya saba dhidi ya Coast Union ya huko mchezo ambao unatarajiwa kuchezwa katika uwanja wa Mkwakwani Oktoba 13.

Simba wameelekea Tanga wakiwa ndio vinara wa ligi hiyo ya Tanzania Bara inayoshirikisha jumla ya timu 14 huku Simba wakiongoza baada ya kujikusanyia jumla ya alama 16 wakifuatiwa na Azam fc yenye alama 14.

Simba imeondoka bila ya wachezaji wake kadhaa muhimu akiwepo Mrisho Ngasa anayesumbuliwa na malaria kama ilivyo kwa Ramadhani Chombo Redondo ambaye naye anasumbuliwa na malaria.

Wengine walioachwa ni Haruna Shamte ambaye anasumbuliwa na enka, Kiggi Makassi mwenye matatizo ya goti pamoja na Abdalah Seseme na Waziri Hamadi.

Kwa upande wa mganda Emmanuel Okwi yeye anaelekea kwao Uganda kwa ajili ya majukumu ya kimataifa.

 

Waliondoka ni wachezaji 22 ambao ni,

MAKIPA:Juma Kaseja na Wilbert Mweta.

Walinzi: Chollo, Maftah, Nyoso, Paschal Ochieng, Kapombe, Hassan Khatib, Paulo Ngalema, Koman Keita.

Viungo: Kazimoto, Jonas Mkude, Kiemba, Salim Kinje, Ramadhani Singano, Uhuru Selemani, Boban.

Washambuliaji:Sunzu, Edward Christopher, Haroun Chanongo, Daniel Akuffo na Abdallah Juma.

RATIBA RAUNDI YA 7

10.10.2012.	43 LEO	KAGERA SUGAR	JKT RUVU	KAITABA	KAGERA
	11.10.2012.	44	TOTO AFRICANS	YOUNG AFRICANS	CCM KIRUMBA	MWANZA
	13.10.2012.	45	POLISI MOROGORO	AZAM	JAMUHURI	MOROGORO
	13.10.2012.	46	TANZANIA PRISONS	JKT OLJORO	SOKOINE	MBEYA
	13.10.2012.	47	COASTAL UNION	SIMBA	MKWAKWANI	TANGA
	13.10.2012.	48	RUVU SHOOTINGS	AFRICAN LYON	MABATINI	PWANI
	13.10.2012.	49	MTIBWA SUGAR	MGAMBO JKT	MANUNGU	MOROGORO